Te tāhae paipa koroua
![Black and white photo of pipe smoking, 1906. Black and white photo of pipe smoking, 1906.](/var/tki-mtn/storage/images/media/images/29-te-wharekura-c3i1/21536-1-eng-NZ/29-Te-Wharekura-c3i1_medium.gif)
Ko ngā kōrero e whai ake nei he whakaaro nō tēnā, nō tēnā ki te whakaahua o ngā tokorua e moki paipa nei. Ko tēnei whakaahua mea tā i te tau 1906 i Rotorua.
"Paikare e!"
"Ka wani kē!"
"Ka reka nē?"
"Ai . . . titiro ki ērā e kai paipa mai rā, kāore anō kia tekau tau noa kua koroua tonu."
"Rere kau ana te auahi."
"E kui i kite anō koe i aku paipa?"
"E aua hoki e koro. Kei ō mokopuna pea?"
"Āe . . . e hika . . . titiro atu. Kia tere tā kōrua whakahoki mai i aku paipa. Tahae paipa koroua."
"Kia tūpato, ka wera te ihu i te kakau poto o te paipa."
"Ka mau te wehi."
"E ngā iwi . . . no ērā ra pea tēnei āhua. Nā ngā tīpuna i ako; i tēnei wā, kāore nā rātau tonu."