Tōku pūpū – Tōku ao
Hauora i roto i te Marautanga o Aotearoa
| Whenu | Tangata |
|---|---|
| Taumata | 5/6 |
| Tangata | Whanaungatanga Ka tautohu i ngā take e hāngai ana ki ngā hononga tāngata i roto i ngā horopaki huhua, me te whakaahua i ngā kōwhiringa kia puta ai he hua pai. Ka tūhura me pēhea ngā whanonga, ngā uara me ngā waiaro a te tangata takitahi, a te rōpū hoki e whakaawe ai i te mauri tau o tētahi atu. |
| Rauemi | He mōhiotanga mō te mate Alzheimers, he pepa toi nui, he rauemi toi – he pene, he tā. |
| Aromatawai | Ka tautohu i ngā take e hāngai ana ki ngā hononga tāngata i roto i ngā horopaki huhua, me te whakaahua i ngā kōwhiringa kia puta he hua pai. Ka tūhura me pēhea ngā whanonga, ngā uara me ngā waiaro a te tangata takitahi, a te rōpū hoki e whakaawe ana i te mauri tau o tētahi atu. |
| Te ngohe tuatahi He rangahau | Ka rangahaua e te pouako te mate Alzheimers. Māna ngā ākonga e ārahi kia tūhuratia e rātou te mate nei. Kātahi ka whakarōpūtia ngā ākonga. Me rangahau ia rōpū i ngā ratonga oranga hinengaro Māori o te rohe. |
| Te ngohe tuarua He titonga | Ka mahi tahi ngā ākonga ki te tito waiata. Ko 'te manaaki tangata ahakoa he aha' te kaupapa. Ka whakaako ngā ākonga ki te kapa haka o te kura. |
| Te ngohe tuatoru He pānui whakaahua | He mahi takirua tēnei. Ka waihangahia e ngā ākonga he pānui whakaahua hei whakamōhio i te tangata mō te mate Alzheimers. Ka kapi i te pānui whakaahua te whakamārama i te mate me te whakamōhio me pēhea ētahi atu ki te tangata kua pāngia e te mate. Me kite i te pānui whakaahua ngā uara me ngā waiaro Māori. |
