He mamae, he mamae
Manawa receives bullying texts from her peers. She tells her mother. Her mother supports her to deal with this situation. With the support she stands tall and confronts her peers, maintaining her dignity. This story describes the notions of conflict and resolution and how they are negotiated to assist in resolving issues.
Ngā hononga ki te marautanga
Te Marautanga o Aotearoa, He tauira hei kōrerorero, Hauora.
Taumata 4
| Kia kōtuituia ēnei āhuatanga ki ngā whenu katoa: |
Te wairua Ngā tikanga Te reo Ngā uara me ngā waiaro | ||
| Waiora | Koiri | Taiao | Tangat |
|---|---|---|---|
| Kai 1. Ka whakawhiti whakaaro mō ngā momo kai, mō te oranga ā-wairua, ā-hinengaro, ā-tinana. | koranga koiri 1. Ka māia te tū i te wā e whakaatu ana i ētahi raupapa neke i ngā horopaki huhua. | Hononga ki a Ranginui rāua ko Papatūānuku 1. Ka whakataurite i ngā ture, i ngā tikanga rānei o te ao Pākehā, o te ao Māori, o hea ake rānei, e pā ana ki te mahi a te tangata i roto i te taiao. | Whanaungatanga 1. Ka tautohu, ka whakamārama i te rerekē haere o ngā horopaki whanaungatanga me te pānga hoki ki ngā haepapa o ia tāngata, kātahi ka whakaahua i ngā whakautu e tika ana. |
| Tupuranga 2. Ka whakaahua i ngā āhuatanga o te pūhuruhurutanga kia tau pai ai tōna wairua ki te rerekē haere o tōna tinana me ō ētahi atu. | 2. Ka whakaatu i tōna hiahia ki te kawe i ngā take me ngā rautaki koiri, ki te totoro atu i ōna āheinga koiri. | Hononga ki ētahi atu taiao 2. Ka tūhura me pēhea e pai ake te āhua o te taiao kura me ētahi atu taiao. | Huatau o te whanaungatanga 2. Ka whakaatu i te huhua o ngā pūmanawa whakapuaki whakaaro i runga i te wairua whakawhena e tōtika ai te mahi ngātahi. |
| 3. Ka tautohu i ngā pānga mai o ngā karere o te hapori, me te whakaahua i ngā uara tōtika mō te oranga o te tangata. | Whakamahinga pūkenga koiri 3. Ka whai wāhi atu me te whakaputa māramatanga o ngā mahi ngātahi i roto i ngā mahi koiri, ā-iwi, ā-hapori hoki. | 3. Ka tūhura i te pānga mai o te hapori whānui ki te noho ora o ngā hapori ākonga. | 3. Ka tautohu i ngā mahi whakatoihara me te tautoko i ētahi atu tāngata e rongo ana i ngā kino o tēnei mahi, kia tū tangata ai. |
| Haumarutanga 4. Ka whakamahi mōhiohio i ngā horopaki huhua e whāia ana, ngā whakatau e tōtika ana, e haumaru ana. | Mātauranga pūtaiao, hangarau, taiao me te koiri 4. Ka tūhura i te pānga o te pūtaiao me te hangarau ka whakatauhia ki ngā taputapu, ā, ka pēhea te whakamahi i aua taputapu i ētahi atu horopaki. |
Hei mahi
| 1. | Pānuihia te pakiwaitara ki tō akomanga. Pātai atu ki a rātou kia tautuhi i ngā kupu tuhi ā-waea whakaweti, ā, kia whakamārama mai ngā āhuatanga i pā atu ki a Manawa. Pātai atu anō ki a rātou ki te tautuhi i ngā wāhanga o ngā kupu tuhi ā-waea hei tautoko i wā rātou kōrero mō Manawa. Ka mutu, whakarōpūhia ngā ākonga, kia rua ngā ākonga ki ia rōpū, ā, ko tā rātou mahi he whakawhitiwhiti wā rātou kōrero me te kōrero anō hoki mō ngā kare ā-roto o Manawa. |
|---|---|
| 2. | Tohatohaina ētahi pepa iti ki tō akomanga. Pātai atu ki ngā ākonga mēnā ka taea e rātou te tuhi i ētahi wā i kite rātou i tētahi/ētahi tamaiti/tamariki e māharahara ana ki ngā mahi whakaweti ā ētahi atu ki a ia/rātou. Purua atu ngā pepa ki roto i tētahi pouaka. Whakarōpūhia ngā ākonga, kia toru, whā rānei ngā ākonga ki ia rōpū, kātahi ka tohatohaina kia kotahi te pepa iti (ngā tuhinga a ngā ākonga) ki a rātou. Mā ia rōpū e pānui i te pakiwaitara anō, ā, mā rātou e whiriwhiri ko tēhea/ēhea rautaki ka taea e rātou te whakamahi hei āwhina i ngā kitenga whakaweti kua tuhia ki te pepa iti kei a rātou. |
| 3. | Mutu ana te pānui i te pakiwaitara ki tō akomanga, whiriwhirihia ngā tikanga kei a rātou mō te manaaki i tētahi ki tētahi. Pātai atu mēnā he mea pai te mahi whakaweti, kāore rānei. Mā ngā ākonga e whakatau he ture mō te akomanga kia noho hei wāhi tapu ki ngā mahi whakaweti. |
| 4. | Kōrero mō ngā ture kua whakatauria e te kura mō te hari waea pūkoro mai ki te kura, ā, me kōrero anō hoki mō ngā ture kua whakatauria hei manaaki, hei tiaki i ngā ākonga i a rātou i te kura. Pātai atu ki ngā ākonga ko ēhea ture ka āwhina i a Manawa ki te whai huarahi kia tutuki ai tēnei kaupapa ki tāna e hiahia ai. |
