He kupu whakataki
I whakatakotoria tēnei huinga pukapuka a Te Tautoko hei rauemi reo Māori e pā ana ki te ao Māori i roto i te horopaki, mō ngā rā o mua, o tēnei wā, me ngā rā e heke mai nei. Ka tautokona ngā whāinga matua o ia marau, arā, ko te reo Māori, pāngarau, pūtaiao, hangarau, ngā tikanga ā-iwi, ngā toi, me te hauora mō ngā taumata 3 ki te 6. Ka noho mai he kōrero paki, he kōrero pono hei tūāpapa, ā, ko te tikanga, mai i reira ka toro ngā ākonga ki te mahi takitahi, ā-rōpū, ā-akomanga rānei i te roanga atu o ngā kōrero.
I horahia a Te Tautoko 63 hei whāwhātanga mā te hunga kei te ako i te reo Māori me ōna tikanga.
Te whakamahi i tēnei pukapuka
Hei āwhina, hei tautoko tēnei pukapuka i te pouako i a ia e whakarite mahere ako ana mā ngā ākonga. Ka arotahi ngā whāinga paetae, ngā pūkenga, te kawenga, me te aromatawai ki Te Reo Māori i roto i te Marautanga o Aotearoa. E hāngai ana te horopaki kei te kaupapa matua, arā ko hauora, ki te taumata me tāu e hiahia ana mō āu ākonga. Whakawehea ngā whenu hei whakawhanake i ngā pūkenga o ngā ākonga. Tērā pea, ka hiahia koe ki te whakatārua i ngā wāhanga o tēnei pukapuka hei tāpiri atu ki tāu mahere.
Te kaupapa matua o Te Tautoko 63
Ko te kaupapa matua o Te Tautoko 63, arā ko te hauora. Kia rite tonu te pakari o te tinana, o te wairua, o te hinengaro, o te whānau hoki. Ka hua mai ko ngā uara Māori hei tūāpapa mō te huinga kōrero kei tēnei whakaputanga.
Ngā kaupapa whāiti o Te Tautoko 63
E rima ngā kaupapa whāiti hei mahi, hei rangahau mā ngā ākonga, mā te pouako hoki:
- He mamae, he mamae
- Te kuku o te manawa
- Kaitūmau rangatahi
- Pūpū tia - he hokinga mahara
- Tōku pūpū - tōku ao
