Te tohinga o Te Aowera
Te Reo Māori i roto i te Marautanga o Aotearoa
| Te whenu
| Pānui (Tuhituhi) wh. 77
|
|---|
| Kōeke
| 3
|
|---|
| Whāinga paetae
| Ka taea e te ākonga te tīpako mai me te pānui ngā tuhinga, hei whakangahau, hei whakaea hoki i ngā kaupapa kua whakaritea.
|
|---|
| Ngā pūkenga
|
- Ko te whakahiato kōrero e puta mai ana i ngā tuhinga.
- Ko te tāutu i ngā āhuatanga rerekē o te tuhinga ōpaki i te tuhinga pono, i te tuhinga pohewa hoki.
- Ko te tīpako mōhio mai i ngā tuhinga māmā hei whakaea i tētahi kaupapa motuhake.
|
|---|
| Ngā kawenga
|
- Tīpakohia tētahi kōwae hei pānui ā-waha.
- Kimihia ngā kupu taurite mō ēnei kupu e whai ake nei; tāhu, pure, rāwhiti, rumaki(tia), whare ngunguru, pononga, momotu, aurei.
- Tuhia he rerenga kōrero mō ia kupu.
- Whakautua ēnei pātai:
a. Nō whea a Te Aowera? Tuhia mai he kōwae whakamārama.
e. Ko wai te tohunga, nāna a Te Aowera i tohi?
i. Whakaraupapahia te tukanga tohi i whāia e te tohunga.
o. Ki ō whakaaro he aha e tapu tonu ai te pēpi i mua i te whāngai ū?
u. Ka whakaae, kāore rānei, ki te kōwae whakamutunga. He aha ai?
5. Mā tētahi ākonga ngā kupu e whai ake nei hei whakatinana, hei whakamārama ā-ringa. Kāore e whakaaetia kia kōrerohia te kupu. Me kī he āhua rite ki te kēmu nei a 'Charades'. Mā ngā kaimātakitaki hei raparapa te kupu. Anei ngā kupu; tapu, wete(kia), hūpē, takai, mau(ria), mirimiri, uru, toa.
|
|---|
| Rerenga kōrero
|
- Mā te pouako hei whakatenatena ngā ākonga ki te whakaputa whakaaro, kātahi ka whakautua e rātou ngā pātai.
|
|---|
| Aromatawai
| Ka whakaaturia tana tohungatanga ki te:
- whakatutuki i ngā mahi kua whakaritea
- whai māramatanga mai i ngā tuhinga ahakoa ngā kupu hōu, ngā kīanga hoō
- whakaputa whakaaro e pā ana ki ngā tuhinga.
|
|---|
Māhere ako
Pawhiritia i konei hei tango mahere ako PDF (PDF, 105 KB)
Ki runga ^
