Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


Te Tautoko Ministry of Education.

Mā te pouako navigation


He kupu whakataki

He huinga pukapuka a Te Tautoko 59 i whakatakotoria hei rauemi reo Māori e pā ana ki te ao Māori i roto i te horopaki, mō ngā rā o mua, o tēnei wā tonu, me ngā rā e heke mai nei. Ka tautokona hoki ngā whāinga matua o ia marau, arā, te reo Māori, te pāngarau, te pūtaiao, te hangarau, ngā tikanga ā-iwi, ngā toi, me te hauora mō ngā taumata whā ki te ono. Ka noho mai he kōrero paki, he kōrero pono anō hoki hei tūāpapa, ā, ko te tikanga, mai i reira ka toro haere ngā ākonga i ngā mahi takitahi, i ngā mahi ā-rōpū, i ngā mahi ā-akomanga rānei i te roanga atu o ngā kōrero.
Kua horahia mai a Te Tautoko 59 hei whāwhātanga mā te hunga e ako ana i te reo Māori me ōna tikanga.

Te whakamahi i tēnei huinga pukapuka

Mā te pouako tēnei pukapuka, hei āwhina, hei tautoko i āna mahi whakarite mahere ako. Ka arotahi ki Te Reo Māori i roto i te Marautanga o Aotearoa, ki ngā whāinga paetae, ngā pūkenga, te kawenga, me te aromatawai. Kei te kaupapa matua, arā, ko te tohi, te horopaki e hāngai ana ki te taumata me tāu e hiahia ana mō āu ākonga. Whakawehea ia whenu, kia whakawhanake i ngā pūkenga o ngā ākonga. Tērā pea ka hiahia koe kia tāruatia ngā wāhanga o tēnei pukapuka hei tāpiri atu ki tāu mahere.

Te kaupapa matua o Te Tautoko 59

He nui ngā kōrero mō te wairua, he ātaahua hoki tōna āhua. Kua kōwhiria tētahi wāhanga paku noa iho o te wairua hei matapaki. Ko ētahi o ngā kōrero he kōrero tuku iho nō ngā tīpuna, ko ētahi he tuhinga kua pānuihia, kātahi ka whakaemihia ki tēnei pukapuka hei huinga pānuitanga kotahi e pā ana ki te tohi.

Ngā kaupapa whāiti o Te Tautoko 59

E whitu ngā kaupapa whāiti hei rangahautanga mā ngā ākonga:

  • He tikanga, he whakapono
  • Hineteiwaiwa
  • Te whānautanga o te kōhungahunga
  • Te tohi / Te tūā
  • Ko Hinenuitepō rāua ko Māui
  • He tohi karakia hei tīmatanga
  • Te tohinga o Te Aowera

Ki runga ^


Ngā hononga

Pāwhiria a konei mō ngā pārongo e pā ana ki te pukapuka.

Te Marautanga o Aotearoa

Ngā whakaputanga tā o 'Mā te Pouako'


Site map


Footer: