He tohi karakia hei tīmatanga
Te Reo Māori i roto i te Marautanga o Aotearoa
| Te whenu | Whakarongo (Kōrero) (wh. 61) |
|---|---|
| Kōeke | 4 |
| Whāinga paetae | Mā te āta whakarongo ka taea e te ākonga te kōrero te whai. |
| Ngā pūkenga |
|
| Ngā kawenga | (Kotahi hāora mō te mahi nei) |
| Aromatawai | Ka whakaaturia tana tohungatanga ki te:
|
He tohi karakia hei tīmatanga
I ahu mai tēnei karakia i Te Tautoko 59, wh. 27. Mana pupuri © Ethel Macpherson 2006
Manawa mai te putanga o te Ariki,
Manawa mai te putanga o te tauira,
Manawa mai te putanga o te pia,
Ka eke ki Hikurangi ki Raparapaririki,
Ka eke ki te Aho o Matariki whare wānanga mātauranga.
Ka eke ki Aorangi, ka eke ki te rerenga o te rā,
Ka eke ki Hemo o Tawake whare wānanga mātauranga.
Tēnei te whatu kei au, kei te kawe ngā tapu, me te mauri,
Tū te whiwhi-ā-nuku, tū te whiwhi-ā-rangi
Kei te whiwhia i waho, kei te rawea i waho,
Puritia mai i waho, tawhia mai i waho,
Puritia mai i roto, tawhia mai i roto,
Tēnei te mauri, ka whakakake
Ko te mauri o tēnei Ariki, ko te mauri o tēnei tauira.
Ko te mauri i runga te rangi, erangi ka pū kei waho,
Ki te wheiao, ki te ao mārama, tau mai te mauri,
Haumi e, Hui e, Taiki e!
He take hauora
I ahu mai tēnei kōwae i Te Tautoko 59, wh. 5. Mana pupuri © Te Karauna 2006
I te whakairatanga o te tangata, ka hono te wairua me te tinana. Ka whānau mai te pēpi, he urutapu, he waitau. Whāngaia ki te waiū tuatahi, kātahi ki ngā kai tika hei oranga tinana. Whāngaia ki ngā pūrākau, ngā kōrero tuku iho, me ngā waiata hei oranga hinengaro. Mā te tohi, mā te pure, mā ngā karakia me te tiaki i te tuakiri, ka puta ko te oranga wairua. Ko te aroha hei oranga mō te katoa o te pēpi.
