Te whakapēhinga nui o te ao
Ngā hononga ki te marautanga
Te Reo Māori i roto i te Marautanga o Aotearoa (wh. 96)
| Whenu | Mātakitaki (Whakaatu) |
|---|---|
| Kōeke | 4 |
| Whāinga paetae | Ka āhei te ākonga ki te whakamārama i te āhua o ngā pānga o te reo ataata poto i takea mai i ngā horopaki kāore ia e tino taunga ana. |
| Pūkenga | Ko te whakamahi i tāna kua mātau kē hei āwhina i tana rapu tikanga mai i te reo ataata hou. |
Hei mahi
- Kia rua ngā tohu reo ataata a te ākonga, e ōrite ana te āhua engari kua rerekē. Ka āta tirohia e te ākonga. Me kōrerorero ngā pānga o ēnei tohu e rua nei, me te whiriwhiri anō i te tohu e tino whai hua ana. Kia hāngai taua whakatau ki te tangata māna te tohu e pānui, me te whai hua o te reo ataata.
He tauira: Mā te haki 'Tino Rangatiratanga' me te tohu 'Swastika' hei whakaakiaki ngā matapaki – he mahi ā-waha.
Kei raro nei ētahi pātai hei matapaki:
- He aha te tikanga o ēnei reo ataata?
- He aha ngā ōritetanga o ēnei momo reo ataata?
- He painga, he hēnga rānei tō ēnei reo ataata?
- He aha ai (he painga he hēnga rānei)?
Aromatawai
- Ka whakaatu te ākonga i tana tohungatanga ki te:
- whakamārama i ngā pānga o ngā tino āhuatanga e kitea ana i te reo ataata
- whakaputa whakaaro e pā ana ki ngā reo ataata.
Pūtaiao i roto i te Marautanga o Aotearoa
| Whenu | Ō ahupūngao |
|---|---|
| Taumata | Te weu |
| Whāinga matua | I roto i āna akoranga mō te Ō ahupūngao ka whakaaraarahia, ka whakamahia e te ākonga ōna mōhio, ōna pūkenga me ōna waiaro kia tūhura, kia mārama ki te tūnga o Papatūānuku ki te whānau o Tamanuiterā, ki Te Ikarangi, ki te tukupū. (Wh. 35) |
| Whāinga paetae | Ka taea e te ākonga te whakaohooho tōna hinengaro me te whakawhānui i ōna whakaaro i roto i te mahi rangahau, me te whakamārama i ngā āhuatanga o Papatūānuku rāua ko Ranginui me te whānau o Tamanuiterā (pērā i te haerenga ki te Marama, i te aorangi hori, i te kāinga ātea). (Wh. 40) |
Hei mahi
- Whakawhitiwhiti whakaaro mō te āhua o Papatūānuku mai i ērā atu o ngā whenua o te herenga ki Ingarangi. Ka whai ake ētahi pātai e hāngai ana ki ia whenua o te herenga ki Ingarangi:
- He aha te āhua o te whenua?
- Hei āhea ngā kaupeka o te tau?
- He wera ake, he makariri ake rānei i Aotearoa?
- He rerekē te āhua o ngā tāngata whenua o aua whenua ki a tātou, te tangata whenua nō Aotearoa?
- Tēnā, nā te aha ēnei rerekētanga (ōritenga rānei)?
Aromatawai
- E kitea ai te kaha o te ākonga ki te whakaputa mōhio mō te āhua o ētahi atu whenua ki tāwāhi.
