Ko ngā taumāhekeheke o te herenga ki Ingarangi tuatahi ki Aotearoa
Ngā hononga ki te marautanga
Te Reo Māori i roto i te Marautanga o Aotearoa (wh. 70)
| Whenu | Kōrero (Whakarongo) |
|---|---|
| Kōeke | 5 |
| Whāinga paetae | Ka taea e te ākonga te whakaputa kōrero, te whakapuaki ōna ake whakaaro e pā ana ki ngā kaupapa maha, me te pakari anō o tana tū i ngā horopaki huhua noa. |
| Pūkenga | Ko te whakaraupapa whakaaro. |
Hei mahi
- Ka whiriwhirihia he kaupapa kōrero taupatupatu. Ka whakarōpūngia ngā ākonga kia rua ngā rōpū. Mā tētahi rōpū te kaupapa e tautoko mā tētahi e whakahē.
He tauira: Ko te kaupapa tautohetohe 'He painga tō te whakatū taumāhekeheke ki Aotearoa nei.'
Aromatawai
- Ka whakaatu te ākonga i tana tohungatanga ki te whakaraupapa whakaaro, kia tino mārama ai te kaupapa o te kōrero.
Ngā Toi i roto i te Marautanga o Aotearoa (wh. 27, 35, 43)
| Whenu | Puoro |
|---|---|
| Kōeke | 4 |
| Whāinga paetae | Tūhura: Ka tūhura te ākonga i ngā tūmomo mahi puoro e rata ana a ia. Mahi: Ka whakauru hangarau te ākonga hei whakarerekē, hei whakaniko i ngā mahi puoro. Mōhiotanga: Ka whakawhanake te ākonga i ōna mōhio ki te ia o te puoro. |
| Pūkenga | Kia taea e te ākonga:
|
Hei mahi
- Titohia e te ākonga he waiata mō tētahi kaiwhakataetae i toa i ngā taumāhekeheke o te herenga ki Ingarangi i Aotearoa, he waiata wikitōria.
Aromatawai
- Ka whakaatu i tana tohungatanga ki te tītina i tāna ake mahi puoro.
