Ngā taumāhekeheke o te herenga ki Ingarangi
Ngā hononga ki te marautanga
Te Reo Māori i roto i te Marautanga o Aotearoa (wh. 61)
| Whenu | Whakarongo (Kōrero) |
|---|---|
| Kōeke | 4 |
| Whāinga paetae | Mā te āta whakarongo ka taea e te ākonga te kōrero te whai. |
| Pūkenga | Ko te tāutu i te pānga atu o ngā ariā ki te kaupapa kōrero. |
Hei mahi
- Mā te pouako he kōwae o tēnei pukapuka hei takinga.
- Mai i te kōwae ka tīpakongia ētahi pātai hei uiui ā-waha.
- Mā te ākonga te kōwae hei tuhi, kātahi ko te whakautu ā-waha i ngā pātai.
- He mahi takinga tēnei, me whakarongo te ākonga.
Hei tauira:
| Te kōwae hei takinga (whārangi 2) |
Hei te marama o Poutū-te-rangi, tau 2006, ka tū Ngā taumāhekeheke o te herenga ki Ingarangi ki Melbourne, Ahitereiria. Ia whā tau ēnei taumāhekeheke tū ai, ā, he whakataetae hākinakina ki waenganui i ngā iwi o te herenga ki Ingarangi – ko ngā iwi me ō rātou whenua kua herea ki Ingarangi i ngā tau kua hipa ake nei. E whitu tekau mā tahi ngā whenua o tēnei kohinga, ā, ka taea e rātou katoa te haere ki Melbourne, kia uru atu ki ngā whakataetae o ngā tūmomo hākinakina tekau mā ono. Ko Aotearoa tētahi o aua whenua. |
|---|---|
| Ngā pātai |
1. Hei āhea ngā taumāhekeheke o muri atu? 2. Kei whea ngā taumāhekeheke o muri atu? 3. Whakamārama mai te tikanga o ngā whenua o te herenga ki Ingarangi. 4. He aha te tikanga o te kupu herea? 5. E hia ngā whenua ka haere ki ngā taumāhekeheke? 6. E hia ngā tūmomo hākinakina o ngā taumāhekeheke? 7. Mēnā e mōhio ana, whakahua mai ētahi atu whenua o te herenga ki Ingarangi (i tua atu i a Ahitereiria me Aotearoa). |
Aromatawai
Ka whakaatu te ākonga i tana tohungatanga ki te:
- āta tāutu i te pūtake o te kōrero
- āta tāutu i te ngako o te kōrero
- whai tika i ngā tohutohu.
Tikanga ā-iwi i roto i te Marautanga o Aotearoa (wh. 56)
| Whenu | Te ahurea me te tuku ihotanga |
|---|---|
| Taumata | 4 |
| Whāinga paetae | Ka taea e te ākonga te whakaatu i ōna mōhiotanga me ōna māramatanga o ngā take me ngā huarahi e tuku ihotia ai e te takitahi me ngā rōpū, ō rātou tuku ihotanga, kia mau pūmau, mā:
|
Hei mahi
- Rangahaua ā te ariā o te herenga ki Ingarangi.
Kei raro nei ētahi pātai hei āwhina:
- Nā wai tēnei tikanga i whakatakoto?
- He mana rangatiratanga tō tēnei ariā?
- Mā wai?
- He aha ngā hua ka puta?
Aromatawai
Ka taea e te ākonga te whakaatu i tana tohungatanga ki te:
- hanga pātai hei arotahi i tētahi mahi uiui
- whakamārama i ngā pūtake o ētahi uara rerekē
- tāutu i ētahi o ngā pūtake o ngā tautohenga me ngā raru.
