Te taipūwhenuatanga
Ētahi whāinga paetae e hāngai ana
Te Reo Māori i roto i te Marautanga o Aotearoa
Whenu: Tuhituhi (Pānui) (Kōeke 4–5)
- Me whai hua, me mārama te tuhi a te ākonga i ngā momo tuhinga huhua noa mō ngā kaupapa whānui, ā, me hāngai te tuhinga ki te pūtake me te hunga pānui. (Kōeke 4)
- Me mārama, me whai hua, me whānui ngā momo tuhinga a te ākonga, me te āta aro anō me pēhea te whakaraupapa tika i ngā kaupapa. (Kōeke 5)
Ka taea hoki e te pouako te whakamahi i ēnei kōrero e pā ana ki te tuhituhi, kōeke 4–5:
He whakaahua whānui, whārangi 25–26
- He tirohanga whānuitanga: Reo whakaputa, whārangi 47–48
- Ngā whārangi whakamārama i te kawenga me ngā whai wāhitanga aromatawai, whārangi 87–88
- Ngā āheinga reo, whārangi 110–120
- Ngā ariā o te reo, whārangi 121–128
- Te wetewete i te reo, whārangi 129–137
- Ngā rārangi kupu, whārangi 138–165.
He mahi aromatawai
- Āta whakatakoto i ōna whakaaro mō ngā take i pā ai te ringa kaha o Uropi ki Te Moananui-a-Kiwa
- Whakamārama i ngā take i memeha haere ai te mātauranga taketake a ngā iwi Poronīhia
Ko tētahi mahi ka taea
Ka tuhi wā taka te ākonga e whakaatu ana i te wā tuatahi i tae mai ai a tauiwi ki ngā takiwā o te ao Poronīhia, tae noa mai ki te wā i tau mai ai a tauiwi ki Aotearoa nei. (Tuhituhi, kōeke 4).
He hono ki tētahi atu marautanga
Ngā Toi i roto i te Marautanga o Aotearoa
Toi Puoro
Whenu: Tūhura, Mahi, Mōhiotanga (Kōeke 1–4)
Ka tito waiata, haka rānei te ākonga mō Te taipūwhenuatanga me te memehatanga o te mātauranga taketake a ngā iwi Poronīhia, Māori hoki.
He whakataukī
Kaua e uwhia te Tiriti o Waitangi ki te kara o Ingarangi, engari me uwhia anō ki tōu ake kahu.
