Te kite i Hawaiki; Te noho ki Hawaiki
Ētahi whāinga paetae e hāngai ana
Te Reo Māori i roto i te Marautanga o Aotearoa
Whenu: Tuhituhi (Pānui) (Kōeke 4–5)
- Me whai hua, me mārama te tuhi a te ākonga i ngā momo tuhinga huhua noa mō ngā kaupapa whānui, ā, me hāngai te tuhinga ki te pūtake me te hunga pānui. (Kōeke 4)
- Me mārama, me whai hua, me whānui ngā momo tuhinga a te ākonga, me te āta aro anō me pēhea te whakaraupapa tika i ngā kaupapa. (Kōeke 5)
Ka taea hoki e te pouako te whakamahi i ēnei kōrero e pā ana ki te tuhituhi, kōeke 4–5:
- He whakaahua whānui, whārangi 25–26
- He tirohanga whānuitanga: Reo whakaputa, whārangi 47–48
- Ngā whārangi whakamārama i te kawenga me ngā whai wāhitanga aromatawai, whārangi 87–88
- Ngā āheinga reo, whārangi 110–120
- Ngā ariā o te reo, whārangi 121–128
- Te wetewete i te reo, whārangi 129–137
- Ngā rārangi kupu, whārangi 138–165.
He mahi aromatawai
Ka whakaaturia tana mōhiotanga, inā:
- he mea kawe e te moko i ngā kōrero o neherā
- he mea kawe e ngā toi, e ngā waiata i ngā kōrero o neherā
- he mea kawe e te whakapapa i ngā kōrero o neherā
- ngā hononga reo, hononga whakapapa.
Ko ētahi mahi ka taea
Ka tuhi ruri, mōteatea, kōrero auaha rānei te ākonga e pā ana ki Hawaiki. (Tuhituhi, kōeke 4)
Ka tuhi kōrero poto te ākonga mō te moko, ka whakatauritea ki ngā ōritenga me ngā rerekētanga o te pe‘a me te malu. (Tuhituhi, kōeke 4)
Ngā hono ki tētahi atu marautanga
Ngā Toi i roto i te Marautanga o Aotearoa
Toi Puoro
Whenu: Tūhura, Mahi, Mōhiotanga (Kōeke 1–4)
Ka tito waiata te ākonga mō te moko, ngā toi Māori, ngā waiata, ngā whakapapa, ngā hononga reo, ka whakatairitea ki ngā ōritenga me ngā rerekētanga o te ao Poronīhia moko, ngā toi, ngā whakapapa, ngā hononga reo.
He whakataukī
I takea mai tātou i Hawaiki-nui, i Hawaiki-roa, i Hawaiki-pāmamao, i te hono i wairua.
