Te kauwhautanga tuatahi
Ētahi whāinga paetae e hāngai ana
Te Reo Māori i roto i te Marautanga o Aotearoa
Ko te whenu 1.4 Tuhituhi i te reo o tōna ao (Kōeke 1–4)
- Ka taea e te ākonga te tuhi kōrero māmā ia rā mai i tōna ao mōhio me ōna wheako whaiaro kia pupū ake te māramatanga me te hihiri ōna ki te tuhi (kōeke 1).
- Ka taea e te ākonga te tuhituhi mō tētahi wā ia rā hei whanake i te reo kua mau i a ia, hei kawe hoki i ōna wheako (kōeke 2).
- Me mārama, me whai hua tā te ākonga, tāna tuhi i ngā momo tuhinga huhua noa (kōeke 3).
Ka taea hoki e te pouako te whakamahi i ēnei kōrero e pā ana ki te tuhituhi, kōeke 1–4:
- He tirohanga whānui, whārangi 24–25
- Ngā pūkenga tuhituhi (kōeke 1-3) whārangi 47
- Ngā whārangi whakamārama i te kawenga me ngā whai wāhitanga aromatawai, whārangi 84–86
- Ngā āheinga reo, whārangi 110–120
- Ngā ariā o te reo, whārangi 121–128
- Te wetewete i te reo, whārangi 129–135
- Ngā rārangi kupu, whārangi 138–165.
He mahi aromatawai
- Ko te āhua o tēnei mea te matakite
- āna hāereere, ana kauwhautanga i ngā rohe o Ngāpuhi
- te hononga ki te whakapono tawhito o te ao Māori
- te hononga ki te whakapono hou nā te Pākehā i kawe mai
Ko ētahi mahi ka taea
Ka tuhi ruri, mōteatea, kōrero auaha rānei te ākonga e pā ana ki a Te Atua Wera. (Tuhituhi, kōeke 1)
Ka tuhi kōrero poto te ākonga mō Te Atua Wera e whakaahua ana i ngā piki me ngā heke i rokohanga atu. (Tuhituhi, kōeke 2–4)
Ka whakatakoto pūrongo ā-tuhi, ā-waha hoki te ākonga e pā ana ki te whakapono a te Māori i mua atu i te taenga mai o te whakapono ‘Pākehā’ ki Aotearoa. (Tuhituhi, kōeke 2–4)
Ngā hono ki ētahi atu marautanga
Ngā Toi i roto i te Marautanga o Aotearoa
Toi Pūoro
Whenu: Tūhura, Mahi, Mōhiotanga, Kōeke 1–4
Ka tito waiata te ākonga mō Te Atua Wera e whakaahua ana i tōna ao me ētahi āhuatanga i noho tapu ai ki a ia i mua atu i te taenga mai o te Paipera Tapu ki Aotearoa.
He whakataukī
Ko te Amorangi ki mua, ko te hāpai ō ki muri.
