Ko tēhea tiriti tēnā!
Ētahi whāinga paetae e hāngai ana
Te Reo Māori i roto i te Marautanga o Aotearoa
Ko te whenu 1.3 Pānui i te reo o tōna ao (Kōeke 1–4)
- Ka mārama te ākonga ki ngā tuhinga kōrero māmā e taunga ana, ā, ka puta mai te hihiri ōna ki te pānui i te reo Māori (kōeke 1).
- Ka mārama te ākonga ki te huhua noa o ngā tuhinga poto kua tīpakona hei whakangahau, hei whakamōhio rānei i a ia (kōeke 2).
- Ka taea e te ākonga te tīpako mai me te pānui i ngā tuhinga, hei whakangahau, hei whakaea hoki i ngā kaupapa kua whakaritea (kōeke 3).
Ka taea hoki e te pouako te whakamahi i ēnei kōrero e pā ana ki te tuhituhi, kōeke 1–4:
- He tirohanga whānui, whārangi 24–25
- Ngā pūkenga tuhituhi (kōeke 1–3) whārangi 43
- Ngā whārangi whakamārama i te kawenga me ngā whai wāhitanga aromatawai, whārangi 75–77
- Ngā āheinga reo, whārangi 110–120
- Ngā ariā o te reo, whārangi 121–128
- Te wetewete i te reo, whārangi 129–135
- Ngā rārangi kupu, whārangi 138–165.
He mahi aromatawai
He tikanga kei te mau tonu:
- ngā momo akoranga i taua wā
- tōna rerekētanga ki ngā tikanga akoranga mō te Tiriti o Waitangi ināianei
- me whakarerekē ngā tikanga akoranga mō Te Tiriti o Waitangi kia hāngai ki ngā hiahia o te iwi o nāianei.
Ko tētahi mahi ka taea
Ka tuhi ruri te ākonga i runga anō i tā te kaituhi titiro, e whakaatu ana i ōna whakaaro i a ia e mātaki ana i te pouako, kātahi ka mārama ki te kaituhi, ehara te Tiriti e kōrerongia ana, i te tiriti huanui nei, engari he kirimana kē. (Tuhituhi, kōeke 2-4)
Ngā hono ki ētahi atu marautanga
Tīkanga ā-Iwi i roto i te Marautanga o Aotearoa
Whenu: Te Ao Hurihuri (Kōeke 1–4)
Ka whakahaere patapatainga te ākonga i waenga i ōna mātua, mātua tūpuna hoki e pā ana ki te Tiriti o Waitangi i a rātou e kura ana, kia kitea mēnā kua rerekē rawa atu ā rātou tikanga akoranga mō te Tiriti o Waitangi i ngā tikanga akoranga mō te Tiriti o Waitangi i nāianei.
He whakataukī
Mate atu he tētē kura, ara ake he tētē kura.
