Ngā kāwana
Ētahi whāinga paetae e hāngai ana
Te Reo Māori i roto i te Marautanga o Aotearoa
Ko te whenu 1.4 Tuhituhi i te reo o tōna ao (Kōeke 1–4)
- Ka taea e te ākonga te tuhi kōrero māmā ia rā mai i tōna ao mōhio me ōna wheako whaiaro kia pupū ake te māramatanga me te hihiri ōna ki te tuhi (kōeke 1).
- Ka taea e te ākonga te tuhituhi mō tētahi wā ia rā hei whanake i te reo kua mau i a ia, hei kawe hoki i ōna wheako (kōeke 2).
- Me mārama, me whai hua tā te ākonga, tana tuhi i ngā momo tuhinga huhua noa (kōeke 3).
Ka taea hoki e te pouako te whakamahi i ēnei kōrero e pā ana ki te tuhituhi, kōeke 1–4:
- He tirohanga whānui, whārangi 24–25
- Ngā pūkenga tuhituhi (kōeke 1–3) whārangi 47
- Ngā whārangi whakamārama i te kawenga me ngā whai wāhitanga aromatawai, whārangi 84–86
- Ngā āheinga reo, whārangi 110–120
- Ngā ariā o te reo, whārangi 121–128
- Te wetewete i te reo, whārangi 129–135
- Ngā rārangi kupu, whārangi 138–165.
He mahi aromatawai
Whakarāpopototia ēnei kōrero kia mau ai:
- ko ngā whakarite i tohua ai te kāwana tuatahi o Aotearoa
- te hononga ki te Kuini o Ingarangi ngā mahi i mahia, ngā wāhi i haerea, ngā tangata i tūtakitia ko te ōrau whenua i noho pūmau ai ki te Māori i mua, i muri i te hainatanga o te Tiriti o Waitangi ko ngā kāwana o Aotearoa, mai i ngā tau 1840–2001
Ko tētahi mahi ka taea
Ka tito te ākonga i tētahi pānui whakatairanga hei kōwhiri i te tangata tika kia tū hei kāwana mō Aotearoa i ngā tau 1840–1845. Anō nei he kai-rīpoata te ākonga i ngā tau 1840–1845. (Tuhituhi, kōeke 2-4)
Ngā hono ki ētahi atu marautanga
Ngā Toi i roto i te Marautanga o Aotearoa
Toi Pūoro
Whenu: Tūhura, Mahi, Mōhiotanga (Kōeke 1–4)
Ka tito waiata te ākonga mō Kāwana William Hobson rāua ko Robert Fitzroy e whakaahua ana i ngā momo aupiki a te tokorua nei ka rokohanga atu.
He whakataukī
Ka taka te kōwhatu i Wahakino, ka tū te toka i Tākore.
