Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


Te Wharekura Ministry of Education.

Mā te pouako navigation


He kupu whakataki

I whakatakotoria tēnei huinga pukapuka a Te Wharekura hei rauemi reo Māori e pā ana ki te ao Māori i roto i te horopaki o te ao whānui. He kōrero mō te ao tawhito, mō ngā tikanga tawhito me te herenga mai ki ngā tikanga kei te mahia i nāianei. Ka tautokongia hoki ngā whāinga matua o ētahi o ngā marautanga, arā, ko te reo Māori, pāngarau, pūtaiao, tikanga ā-iwi, ngā toi, me te hauora mō ngā taumata 6 ki te 8.

Ka noho mai he pātere, he kupu whakarite, he kōrero tawhito, he kupu here ā-wairua hei tūāpapa, ā, ko ngā tikanga, mai i reira ka toro ngā ākonga ki te mahi takitahi, ā-rōpū, ā-akomanga rānei i te roanga atu o ngā kōrero.

I horahia Te Wharekura 86 hei whāwhātanga mā te hunga kei te ako i te reo Māori me ōna tikanga.

Te Whakamahi i Tēnei Pukapuka

He pukapuka āwhina tēnei i te pouako hei tautoko i a ia e whakarite mahere ako ana mā ngā ākonga. Ka arotahi ngā whāinga paetae, ngā pūkenga, te kawenga, me te aro matawai ki Te Reo Māori i roto i te Marautanga o Aotearoa. Whakawehea ngā whenu hei whakawhanake i ngā pūkenga o ngā ākonga. Tērā pea, ka hiahia koe ki te whakatārua ngā wāhanga o tēnei pukapuka hei tāpiri atu ki tāu mahere.

Te Kaupapa o Te Wharekura 86

Ko te kaupapa matua o Te Wharekura 86, ko Toitū Te Mana! E rima ngā kōrero o roto. He āta tirotiro ki ngā kōrero me ngā wheako o ētahi tāngata kua whai i te huarahi mātauranga, whai reo Māori anō hoki, ā, ka pēhea ēnei e ārahi i a tātou ki te whakatutuki i ngā wawata, kia toitū te mana!

Te Hononga ki ngā Marautanga

  • Mā te pouako anō e whakamahere te hononga o ngā mahi kua mahia e te ākonga hei whakaaturanga ki tētahi whakaminenga.
  • Mā te ākonga e whakaemi āna mahi ki te pūataata rorohiko i a rātou e whakaoti ana i ngā ngohe.
  • Hei te mutunga, ka whakaatu atu tērā ki te akomanga, ki te kura, ki ngā mātua rānei. Nā reira, me kohi ngā mahi a ngā ākonga ki tētahi hautaka, me tiaki hoki ki tētahi kōpae.

Ko ngā ngohe e akiaki ana i te ākonga me te pouako ki te rāwekeweke i ngā pūrere hiko me ngā iahiko, arā, te rorohiko, te pūataata rorohiko, te pūataata ā-reo, pūrere ataata me ngā momo ataata katoa. Kātahi ka whakamōhio atu ki tētahi hunga i ō rātau mōhiohio, mātauranga katoa. Ka whai wāhi te pouako ki te tango whakaahua, pūrere ataata, rīpene ataata, ataata ā-reo hoki. Ka noho ēnei ataata hei taunaki i ngā mahi kua mahia nei e te ākonga, hei pūkete aromatawai mā te pouako, mā te whānau hoki.

Ki runga ^


Ngā hononga

Ngā whakaputanga tā o 'Mā te Pouako'


Site map


Footer: