He kupu whakataki
He kupu whakataki
I whakatakotoria tēnei huinga pukapuka a Te Wharekura hei rauemi reo Māori e pā ana ki te ao Māori i roto i te horopaki, mā ngā rā o mua, o tēnei wā, me ngā rā e heke mai nei. Ka tautokona ngā whāinga matua o ētahi o ngā marautanga, arā, ko te reo Māori, pāngarau, pūtaiao, hangarau, tikanga ā-iwi, ngā toi, me te hauora mā ngā taumata ono ki te waru. Ka noho mai he kōrero paki, he kōrero pono hei tūāpapa, ā, ko te tikanga, mai i reira ka toro haere ngā ākonga i ngā mahi takitahi, i ngā mahi ā-rōpū rānei, i ngā mahi ā-akomanga rānei i te roanga atu o ngā kōrero.
I horahia a Te Wharekura 84 hei whāwhātangamā te hunga kei te ako i te reo Māori me ānatikanga.
Te whakamahi i tēnei pukapuka
Hei āwhina, hei tautoko tēnei pukapuka i te pouako i a ia e whakarite mahere ako ana mā ngā ākonga. Ka arotahi ki Te Marautanga o Aotearoa: He tauira hei kōrerorero – Te Reo Māori (wh.14–23). E hāngai ana te horopaki kei te kaupapa matua, arā, ko Hauora, ki te taumata me tāu e hiahia ana mā āu ākonga. Whakawehea ngā whenu hei whakawhanake i ngā pūkenga o ngā ākonga. Tērā pea, ka hiahia koe ki te whakatārua i ngā wāhanga o tēnei pukapuka hei tāpiri atu ki tāu mahere.
Te kaupapa matua o Te Wharekura 84
Me āta pānui te kaupapa matua o Te Wharekura 84, arā, ko Hauora. Kei konei e kitea ana ngāāhuatanga hauora i pā ki tētahi hapa.
Te hononga ki ngā marautanga
- Mā te pouako anō e whakamahere te hononga o ngā mahi kua mahia e te ākonga hei whakaaturanga ki tētahi whakaminenga.
- Mā te ākonga e whakaemi āna mahi ki te pūataata rorohiko i a rātau e whakaoti ana i ngā ngohe.
Hei te mutunga, ka whakaatu ki te akomanga, ki te kura, ki ngā mātua rānei. Ko te tūmanako, ka kohia ki tētahi hautaka e ngā ākonga ā rātau mahi katoa, ka tiakina hoki ki tētahi kōpae.
Ko ngā ngohe nei e akiaki ana i te ākonga me te pouako ki te rāwekeweke i ngā pūrere hiko me ngā iahiko, arā, te rorohiko, te pūātaata rorohiko, te pūātaata ā-reo, te pūrere ataata me ngā momo ataata katoa. Kātahi ka whakamōhio atu ki tētahi hunga i ā rātau mōhiohio, mātauranga katoa. Ka whai wāhi te pouako ki te tango whakaahua, pūrere ataata, rīpene ataata, ataata ā-reo hoki. Ka noho ēnei ataata hei taunaki i ngā mahi kua mahia nei e te ākonga, hei taonga aromatawai mā te pouako, mā te whānau hoki.
