Te Reo Māori i roto i te Marautanga o Aotearoa
| Whenu: | Whakarongo (Kōrero) |
|---|---|
| Kōeke: | 7 |
| Whāinga paetae: | Kia āta mārama ki tētahi reo ōpaki, ōkawa rānei ahakoa pēhea te roa, te poto, te tere, te kaupapa kē rānei, me te āta whakaaro anō ki ngā āhuatanga horopaki. |
| Te pūkenga: | Ko te whakakotahi i ngā ariā, ko te whakahāngai atu hoki i tāna kua mātau kē, hei arotake i te kōrero. |
| Te kawenga: | Ka whakarongo te ākonga ki tētahi kauhau mō tētahi kaupapa āhua hōhonu, e toru tekau meneti pea te roa. Ko tāna, he tuhi i ngā ariā matua. |
| Hei mahi: | Te Ngawiki o Te Ao |
Pānuihia ēnei kōrero me te titiro ki te pikitia i te uhi o te pukapuka.
| “Ka tīkina ngā toki e rua, a Te Awhiorangi, a Te Whironui, ka riro mai, ka poroporoa ngā peke o Ranginui, o Papatūānuku: kātahi ka mawehe i a rāua. Ka motuhia e Paia te ahi tapu e tauhei ana i te kakī o Ranginui: ka tū te hika a Paia ki te kaunoti, ka karakia i tana karakia.” (Kauae Runga) |
| 1. | Whakautuhia ēnei pātai: a. He pēhea te āhua o ēnei toki? e. He aha ngā peke o Ranginui rāua ko Papatūānuku? h. He aha te kupu atu mō ‘tapahi’? i. Hai aha te hika me te kaunoti? k. Ki ō whakaaro, ahakoa i wehea a Ranginui ki runga, a Papatūānuku ki raro, he aha te āhuatanga nui kei te paihere tonu i a rāua? |
| 2. | He aha ngā tohu kua kitea mō te ngawiki o te ao? |
Aromatawai
Ka whakaaturia te tohungatanga o te ākonga ki te:
- whakarongo me te whakaputa i ōna ake whakaaro mō te wehenga o Ranginui rāua ko Papatūānuku
- whakahiato i ngā kupu ōrite ki ērā kua tohua
- whakaako i ngā kupu tawhito mō te whakakā ahi
- rongo me te kite i ngā āhuatanga o te ngawiki o te ao.
