Te Kāhui whetū o Matariki
Te Kāhui Whetū o Matariki
Te Reo Māori i roto i te Marautanga o Aotearoa
| Whenu |
| Pānui (Tuhituhi) (wh 80) |
| Kōeke |
| Tuarima |
| Whāinga paetae |
| Me tōrino te pānui a te ākonga, me tātari anō tāna i pānui mai ai i ngā marau o te kura hei tāutu i ngā waiaro, i ngā uara, i ngā pūtake o te kaituhi. |
| Pūkenga |
| Ko te tāutu i ngā waiaro, i ngā whakapono, i ngā pūtake hoki e kawe nei te kaituhi. Ko te whakamārama i ngā āhuatanga reo me ngā pānga o ēnei ki te kaupapa me te pūtake i tuhia ai te kōrero. |
| Kawenga |
|
| Mā ngā rerenga kōrero o raro: |
|
|
| Tēnā pea he taonga, he taputapu, he mea rānei ki te kāinga hei whakaatu i tōu māramatanga mō ētahi o ēnei rerenga kōrero. |
| Rerenga kōrero |
| Kei hea a Matariki e piri ana? |
| Ko ēhea ngā marama o te tau Māori e kitea ai a Matariki i runga tata ake i te tuāpae o te rangi? |
| E ai ki ngā iwi o Te Moana-nui-a-Kiwa, ko wai ngā ingoa o Matariki? |
| E hia ngā whetū i roto i te kāhui whetū o Matariki? |
| He aha ngā momo mahi toi a te Māori e kitea ai pea ngā tohu o Matariki? |
| Aromatawai |
| Mā ngā whakamāramatanga e kite ai te ākonga tōna tohungatanga ki ngā wāhanga whakapakari o tēnei mahi. |
Ngā Toi i roto i te Marautanga o Aotearoa
| Whenu |
| Toi ataata (wh 109) |
| Taumata |
| Tuawhā |
| Whāinga paetae |
| Ka whakamārama te ākonga i ngā mahi o te whiriwhiri tukanga rawa tā me te tāutu taputapu hei whakawhanake whakaaro. |
| Pūkenga |
| Te whakamahi reo toi ataata tika hei kōrero mō āna mahi me ngā mahi a ētahi atu kaitoi. |
| Hei mahi |
| Tāngia he pikitia, waihangatia tētahi pakiwaituhi – tētahi whakaaturanga hiko rānei – hei tautoko i ngā whakamāramatanga o ngā rerenga kōrero kua tuhia. |
| Aromatawai |
| Mā te whakamāramatanga me te whakaaturanga e mātau ai te minenga e mātakitaki ana. |
Te Reo Māori i roto i te Marautanga o Aotearoa
| Whenu | ||
| Whakarongo (Kōrero) (wh 61) | ||
| Kōeke | ||
| Tuawhā | ||
| Whāinga paetae | ||
| Mā te āta whakarongo ka taea e te ākonga te kōrero te whai. | ||
| Pūkenga | ||
| Ko te maumahara ki ngā ariā matua. | ||
| Ko te tāutu i ngā tino mōhio me ngā ariā matua o te kaupapa kōrero. | ||
| Kawenga | ||
| Mā te kaiwhakaako te ihirangi tuarua e pānui. | ||
| Ka whakarongo te ākonga ki ngā whakaahuaranga o te whare tirotiro whetū. | ||
| Ka tuhia he whakaahua mō roto – mō waho hoki o te whare. | ||
| Aromatawai | ||
| Āta whakarongo kia taea ai te tīpako i ngā ariā matua e pīrangitia ana. | ||
| Ko ngā marau i roto i ngā mahi e whai ake nei: Te Reo Māori, Pūtaiao, Hauora | ||
| Whāinga | ||
| Ka kitea ā-karu, ka rongo ā-tinana, ka rongo ā-wairua, ka maumahara ā-hinengaro i ngā huhua o Ranginui. Tūhura, kia mārama ki te tūnga o Papatūānuku, ki te whānau o Tama-nui-te-rā, ki te ikarangi, ki te tukupū. | ||
| Hei mahi | ||
| Ka whakaritea e te kaiwhakaako me ngā mātua he kura pō mō te katoa o te kura whānau. Mēnā kei tuawhenua te kura, whakaritea tētahi noho puninga. He wā ki te whakarongo ki ngā kōrero tuku iho e pā ana ki a Matariki, he wā anō ki te āta titiro ki a Ranginui e mau ana ngā kahu o te pō, arā, ko ngā whetū. | ||
| Mēnā nō te tāone tō kura me whakarite he haerenga ki tētahi whare tirotiro whetū. | ||
| Tono atu ki tētahi tohunga hei kaikōrero mō te pō. | ||
| Ngā putanga | ||
| ||
| ||
| ||
| Ka whai ake nei he tauira puka mahi mō te kura pō, haerenga ki te whare tirotiro rānei: |
| wh. 1 | Mā ngā tauira te uhi hei waihanga |
|---|---|
| wh. 2 | Tutohu whetū |
| wh. 3 | Rārangi ingoa o ngā whetū |
| wh. 4 | Tuhi kōrero, whakarāpopototanga o te kaikōrero, whakataukī |
He tauira:
| wh. 1 | wh. 2 | wh. 3 | wh. 4 |
|---|---|---|---|
| Mā ngā tauira te uhi hei waihanga | Tutohu whetū | Rārangi ingoa o ngā whetū | Ngā tuhinga o te pō, ngā kōrero a te kaikōrero, whakataukī |
Te Reo Māori i roto i te Marautanga o Aotearoa
| Whenu |
| Pānui (Tuhituhi) (wh78) |
| Kōeke |
| Tuawhā |
| Whāinga paetae |
| Ahakoa he aha te tūmomo tuhinga, e tino mātau atu ana te ākonga ki tāna i pānui ai, e taea ana hoki e ia te āta tātari. Ka whakapakari anō hoki ia i tōna āhei ki te arotake i te whai hua o āna tuhituhinga. |
| Pūkenga |
|
Ko te tere o te pānui, o te mātai me te whakatau wawe i te ngako o te kōrero. Ko te hopu i ngā ariā matua o ngā tuhinga āhua roa. Ko te whakamārama i ngā tuhinga me te kōrero anō mō ngā kaupapa o roto. |
| Kawenga |
| I roto i tēnei wāhanga ngā kōrero paki Māori me ngā kōrero Kiriki e pā ana ki a Matariki me āna tamāhine. Hei mahi rangahau mā ngā tauira, kimihia ngā kōrero mō tō ake iwi, mō tētahi atu iwi nō tāwāhi rānei. |
| Aromatawai |
| Ka whakaaturia tōna tohungatanga ki te whakamārama i ngā tuhinga me te tāpiri anō i ētahi tauira hei whakaū i ōna whakamārama. |
Pūtaiao i roto i te Marautanga o Aotearoa (wh 63)
| Whenu |
| Ō mataora / ahupūngao |
| Kōeke |
| Tuawhā ki te Tuarima |
| Whāinga matua |
| Ka whai māramatanga te tauira ki ngā momo hononga o Papa ki a Rangi, arā, ko ngā tohu a ngā kāhui whetū - ki te ono kai, ki te hī ika - hei oranga mō te iwi. |
| Kawenga |
| I roto i tēnei wāhanga ētahi kōrero e pā ana ki ngā tohu a ngā whetū me ngā whakamārama. |
| Hei mahi mā te ākonga: |
|
| Aromatawai |
| Ka haere ngā ākonga ki te hī, ka whakahokia mai he ika mō te whānau. |
| Ka whai ake nei ētahi whārangi hei āwhina i te kaiwhakaako. Ko te mea tuatahi he rārangi ingoa o ngā whetū me ngā aorangi o te pukapuka mā ngā tauira. Ko te mea tuarua he rārangi ingoa āwhiotanga o te marama. Ko te mea tuatoru ko ngā ingoa o ngā kaupeka me tētahi whakamāramatanga. Kia mōhio hoki te kaiwhakaako he rerekē ngā ingoa tā tēnā iwi, tā tēnā iwi. |
