Te Wharekura 72 – Kawiti
Te tapahanga o Maiki Pou Kara: Hei mahi
Ka wehewehea te akomanga kia rua ngā rōpū. Ka tautohetohe ngā rōpū e rua, ā, ko tētahi rōpū ka whakaae ki te tapahanga o Maiki Pou Kara, ko tērā atu rōpū ka whakahē. E toru meneti te roa mō ia rōpū kia whakatakoto i tā rātou kaupapa. Hei te mutunga, ka whakaritea e te pouako ko tēwhea rōpū e toa ai, me ōna whāinga nā te aha taua rōpū e toa ai. (Kōrero, kōeke 6)
Ka kōrero ngā ākonga e rua ki a rāua anō kia mārama ai rāua he aha te ngako o ngā kōrero kei waenganui i a Kawiti me Hōne Heke (i runga i ngā whārangi 16–17). (Kōrero, kōeke 6)
Ka tū ia ākonga ki te whakaputa i ōna whakaaro ki te kaupapa, Mēnā kīhai a Hōne Heke i tapahi i Maiki Pou Kara, kei whea rā te iwi Māori i tēnei wā? (Kōrero, kōeke 7)
