Pakō
Nā Katarina Mataira
Tahi, rua, toru, whā,
He miro, he tawa, he karaka;
Rima, ono, whitu, waru,
He kererū, he kererū;
Iwa, tekau,
He tangata.
Kei hea ngā rākau?
Kei kō i te ngahere.
Kei hea ngā kererū?
Kei kō i ngā rākau.
Kei hea te tangata?
Kei waenganui tātarāmoa.
Ka kai ngā kererū.
Āe, te reka.
Ka kī ngā puku,
Ka moe.
Ka tū te tangata.
Auē. Auē.
He pū. He pū. He pū.
PAO! PAO! PAO! PAO!
Auē. Auē.
Kei hea ngā kererū?
Kei runga i te miro?
Kāo.
Kei runga i te tawa?
Kāo.
Kei runga i te karaka?
Kāo.
Kāti. . .
Kei hea? Kei hea? Kei hea?