Tangaroa ki tai, Tangaroa ki uta – He tauparapara
Tangaroa! Tangaroa!
Koi _________________ana i te tai
Ngā tai e rua e _____________ana i roto i a Hinemoana
E ___________ ana i roto i a Kiwa:
He timunga! He ___________!
He paringa! He ____________!
Ko tō te ________________ nei:
He tai tamatāne,
He ___________________,
Āki ana ngā ___________ i te ākau, he tai e!
Kani ana te _____________ i te tai, he wai tai e!
Whakarehu te titiro ki ________ rā ki te kohu tāiri
Kei te __________ o wai-māori tonu
He ika! He tai! He __________!
Kei uta hoki ko ngā _____________ a Punga
Ko Mokohikuwaru, ko ____________________ mā
Tapiki whakarangi ki te ________________ te tū mai rā
Tangaroa mua, ____________________roto,
Tangaroa kiokio, Tangaroa ________________ e
Heke iho i te _______________ e tū iho nei
Tau iho i te moana, ______________ ake i ngā wai karekare hei _____________ kupenga
Whakahao! _______________! He kai e!
Tau ai ki ngā wai _______________ o tōna whare
Ka uru i te ___________________ o te whare o Tangaroa
He ururangi! He _________________!
Koia te pupuke, te _______________o te wānanga.
Whakatau mai ai i te ___________________ tai
Ko Tangaroa-ara-rau, ko _______________ –whakamau-tai
Eke panuku, ______________ Tangaroa! Hui e! Tāiki e!
Hei mahi 1
He mahi whakahoahoa
He mahi rangahau. Ko te kimi whakataukī, whakatauākī rānei e pā ana ki a Tangaroa hei āwhina te ākonga ki te whakanikoniko i tana tuhinga. He torutoru noa iho i konei. Mā ngā ākonga ētahi atu e kimi, e rangahau.
Ko te mahi tuatahi ko te whakahoahoa i te tīmatanga o te whakataukī, te whakatauākī rānei, ki te mutunga.
Tuarua, tīpakohia kia rua anake, ā, rangahautia te tikanga, kātahi ka tuhia tētahi whakamārama mō aua whakataukī.
He pepa mahi mā te ākonga.
Whakahoahoa te tīmatanga o te kōrero ki te mutunga.
| Te tīmatanga | Te whakamutunga | ||
|---|---|---|---|
| 1 | He kai hua ki uta | a | hei tomo i roto i te hīnaki. |
| 2 | He moana kē tā matawhāiti. | e | whakamau tai. |
| 3 | Te whatu kura | h | o te moana . |
| 4 | He wai Tangaroa | i | Hīnana ki tai. |
| 5 | Ko Haumiatiketike | k | ko Moutohora ki te moana. |
| 6 | Ko Hauraki te moana | m | o Tangaroa. |
| 7 | Ko Tangaroa | n | i haere ai ki uta. |
| 8 | Te au kakara | o | He moana kē tā matawhānui. |
| 9 | He ika paewai anake | p | Tangaroa hakahaka. |
| 10 | Ko Tangaroa | r | tōna taniwha ko Ureia. |
| 11 | Hīnana ki uta | t | ara rau. |
Tā te pouako - Ko ngā whakautu
| Te tīmatanga | Te whakamutunga | ||
|---|---|---|---|
| 1 | He kai hua ki uta | a | ko Moutohorā ki te moana. |
| 2 | He moana kē tā matawhāiti. | e | He moana kē tā matawhānui. |
| 3 | Te whatu kura | h | o Tangaroa. |
| 4 | He wai Tangaroa | i | i haere ai ki uta. |
| 5 | Ko Haumiatiketike | k | Tangaroa hakahaka. |
| 6 | Ko Hauraki te moana | m | tōna taniwha ko Ureia. |
| 7 | Ko Tangaroa | n | ara rau. |
| 8 | Te au kakara | o | o te moana. |
| 9 | He ika paewai anake | p | hei tomo i roto i te hīnaki. |
| 10 | Ko Tangaroa | r | whakamau-tai. |
| 11 | Hīnana ki uta | t | Hīnana ki tai. |
Hei mahi 2
Te tuhi rotarota
Mā te pouako e whakahaere mahi mō te tuhi tūmomo rotarota, ā, ko te horopaki ko Tangaroa.
Hei tauira: Ko te Haikū.
E toru anake ngā rārangi o tēnei momo ruri. E ai ki ngā tikanga o tēnei momo rotarota e rima kūoro i te rārangi tuatahi, e whitu i te rārangi tuarua, ā, e rima i te rārangi tuatoru. Engari me piki ake pēnei 7-9-7 mō te reo Māori. Ahakoa he poto rawa tēnei momo rotarota he nui te kōrero kei roto. Me kī 'Iti te kupu, nui te kōrero.'
Hei tauira:
Tangaroa ara rau (7)
Wai karekare, wai marino (9)
He wai ngarungaru e (7)
| Te marautanga | Hauora |
|---|---|
| Taumata 3 | Te waiora |
| Whāinga paetae 4 | Ka taea e te ākonga te tautuhi me te whakamahi ngā tikanga haumaru me ngā tikanga kaupare mate. |
| Pūkenga | E āhei ana te ākonga ki te whakamārama i te take e hanga ai ngā ture, e whakatakoto tikanga ai mō te haere ki te moana, ki ngā awa me ngā roto. |
| Hei mahi | Whakawhitiwhiti kōrero e pā ana ki ngā āhuatanga o te moana, o ngā awa, o ngā roto. Matapakihia ngā take mō ngā ture, hāunga ki ngā kōrero o te pukapuka. Ko ngā pātai nui ko 'Na te aha ……?' 'He aha ……….ai?'
|
| Aromatawai | Ka whakaaturia tana tohungatanga ki te:
|
Ngā Toi i roto i te Marautanga o Aotearoa 2000 (wh.100)
| Te pou | Toi ataata |
|---|---|
| Kōeke | 3 |
| Whenu | Mahi |
| Whāinga paetae | Ka whakawhanake te ākonga i ōna wheako whaiaro ki te whakamahi i ngā tūmomo Toi ataata me ngā tukanga hangarau. |
| Pūkenga | Kia taea e te ākonga te whakamahi rawa māori hei whakaatu mahi. |
Ngā Toi i roto i te Marautanga o Aotearoa
| Te pou | Ngā mahi a Te Rēhia (wh. 84) |
|---|---|
| Kōeke | 4 |
| Whāinga paetae | Ka whakaatu whakaaro te ākonga mō ētahi tukanga me ngā tūmomo mahi a Te Rēhia. |
| Pūkenga | Te whakamahi pohewa i ngā nekehanga o ngā horopaki. |
| Hei mahi | Whakaritea tētahi rangi mō te tauparapara, kātahi ka whakamahi i ētahi mahi ā-ringa hei whakaatu i te tikanga o te kōrero. |
