Ngā Tohu Pāpāho Māori
Whenu: Kōrero (Whakarongo)
Hei mahi ā-akomanga
Ka matapaki ngā ākonga i ngā momo tohu e mōhiotia nei e rātou. Mā te pouako ngā momo tohu nei e tuhi ki te papatuhituhi. Mā ngā ākonga e whakarōpū ngā tūmomo tohu pērā i ngā rōpū e whai nei:
- Tohu hākinakina – Ngā tohu hākinakina ā-iwi, ā-motu
- Ngā taumāhekeheke o te ao
- Tohu mātauranga – te akomanga, te kura tuatahi, te kura tuarua, te kura kaupapa Māori
- Ngā tohu kiriata – Oscars, Golden Globe.
| Momo Tohu: | Momo Tohu: |
| Momo Tohu: | Momo Tohu: |
Whenu: Tuhituhi (Pānui)
- Ka rārangihia e ngā ākonga ngā momo tohu mai i te āhua pai, pai, pai rawa rānei.
- Kia tū ai ngā tohu ā-kura, ētahi atu hui tuku tohu rānei e whai pānga ana ki āu ākonga, me tuhi pūrongo ngā ākonga mō taua hui.
Whenu: Mātakitaki (Whakaatu)
He kaupapa ōkawa te hui o Ngā Tohu Pāpāho. Ko te mahi mā ngā ākonga he wānanga i ēnei tūmomo hui.
- He aha te momo reo ka whakamahia ki te hui ōkawa?
- He aha ngā momo kākahu e tika ana mō tēnei tū hui?
- He aha ngā kai ka kaingia i tēnei tū hui?
- He aha ngā tikanga o te hui ōkawa?
- Whakatauritehia tēnei hui ki ngā hui ōkawa ka whakahaerehia ki tō kura.
