Te ao hurihuri
Ētahi whāinga paetae e hāngai ana
Te Reo Māori i roto i te Marautanga o Aotearoa
Ko te whenu 1.4 Tuhituhi i te reo o tōna ao (Kōeke 1–3)
- Ka taea e te ākonga te tuhi kōrero māmā ia rā mai i tōna ao mōhio me ōna wheako whaiaro kia pupū ake te māramatanga me te hihiri ōna ki te tuhi (kōeke 1).
- Ka taea e te ākonga te tuhituhi mō tētahi wā ia rā hei whanake i te reo kua mau i a ia, hei kawe hoki i ōna wheako (kōeke 2).
- Me mārama, me whai hua tā te ākonga, tāna tuhi i ngā momo tuhinga huhua noa (kōeke 3).
Ka taea hoki e te pouako te whakamahi ēnei kōrero e pā ana ki te tuhituhi, kōeke 1–3:
- He tirohanga whānui, whārangi 24–25
- Ngā pūkenga tuhituhi, kōeke 1–3, whārangi 47
- Ngā whārangi whakamārama i te kawenga me ngā whai wāhitanga aromatawai, whārangi 84–86
- Ngā āheinga reo, whārangi 110–120
- Ngā ariā o te reo, whārangi 121–128
- Te wetewete i te reo, whārangi 129–135
- Ngā rārangi kupu, whārangi 138–165.
Ko tētahi mahi ka taea
Ka tito te ākonga i te reta pōwhiri e whakaatu ana i tētahi hui ka tū ki tōna marae, e whakamārama ana i ngā kaupapa whakahaere mai i te tīmatanga o te hui tae noa ki te wā e mutu ai te hui. (Tuhituhi, kōeke 2–3)
Ngā hono ki ētahi atu marautanga
Tikanga ā-Iwi i roto i te Marautanga o Aotearoa
Whenu: Te Ao Hurihuri (Kōeke 2–3)
Ka rangahau te ākonga i te hekenga mai o ngā tini tāngata ki Aotearoa, me te hanga rārangi-wā e whakaatu ana i te taenga mai o ngā iwi hou, me te paheke haere o ngā iwi taketake ake kia kitea ai he aha ētahi tikanga rerekē kua pā kē mai, me te pānga o ēnei ki ētahi tikanga o te marae.
Whenu: Te Whakaritenga Pāpori (Kōeke 1–3)
Ka rangahau te ākonga i te āhua o te marae, me te tūhura he aha te wāhi ki ngā tauira tūturu hei whakaatu i ngā ariā me ngā pakiwaitara.
He whakataukī
E tama, e hine, he tangata ākona ki te whare, tū ana ki te marae, tau ana. He marae rangatira, he marae whakautuutu, he marae ka tiritiria, he marae ka poupoua ki te kupu.
