Matire
Ētahi whāinga paetae e hāngai ana
Te Reo Māori i roto i te Marautanga o Aotearoa
Ko te whenu 1.2 Kōrero i te reo o tōna ao (Kōeke 1–3)
- Ka taea e te ākonga te whakapuaki ōna wheako whaiaro ki te takitahi, ki te rōpū hoki (kōeke 1).
- Ka taea e te ākonga te whakapuaki whakaaro ki ōna hoa, ki ngā pakeke e mōhiotia ana, i ngā horopaki e taunga ana ki te ākonga (kōeke 2).
- Ka taea e te ākonga te kōrero, te pātai, te whakaputa ōna ake whakaaro ki te hunga ākonga, ā, me raupapa, me mārama te kōrero (kōeke 3).
Ka taea hoki e te pouako te whakamahi ēnei kōrero e pā ana ki te kōrero, kōeke 1–3:
- He tirohanga whānui, whārangi 24–25
- Ngā pūkenga, whārangi 39
- Ngā whārangi whakamārama i te kawenga me ngā whai wāhitanga aromatawai, whārangi 66–68
- Ngā āheinga reo, whārangi 110–120
- Ngā ariā o te reo, whārangi 121–128
- Te wetewete i te reo, whārangi 129–135
- Ngā rārangi kupu, whārangi 138–165.
Ko tētahi mahi ka taea
Ka tuhi pakiwaitara, ruri, mōteatea rānei te ākonga i runga anō i tā te tuna titiro, e whakaatu ana i ōna whakaaro i a ia e kauhoe haere, e kimi kai ana māna, ana ka tūpono tūtaki atu ki te matire.
Ngā hono ki ētahi atu marautanga
Tikanga ā-Iwi i roto i te Marautanga o Aotearoa
Whenu: Te Wāhi me te Taiao (Kōeke 1–3)
Ka tuhi hoahoa te ākonga e whakaatu ana i ngā wāhanga katoa o te matire, ka hanga pānui whakaahua rānei e whakaatu ana, e whakamārama ana i ngā tikanga o te hanga matire.
He whakataukī
Kia mau koe ki te kupu a tōu matua.
Tama tū, tama ora, tama noho, tama mate.
