Ngā mahere haumaru
Ngā hononga ki te marautanga
Te Reo Māori i roto i te Marautanga o Aotearoa(wh. 80)
| Whenu | Pānui (Tuhituhi) |
|---|---|
| Kōeke | 5 |
| Whāinga paetae | Me tōrino te pānui a te ākonga, me tātari anō i tāna i pānui mai ai i ngā marau o te kura hei tāutu i ngā waiaro, i ngā uara, i ngā pūtake o te kaituhi. |
| Pūkenga | Ko te tāutu i ngā waiaro, i ngā whakapono, i ngā pūtake hoki e kawe nei te kaituhi. |
| Kawenga | Ka pānui te ākonga i ngā whārangi 16–20, ka tūhura, ka tīpako i ngā kōrero kia kite i ngā whiringa nui i puta mai i ēnei hui, hei tirohanga whakamua mō ngā māhu haumaru mō te rohe, mō te iwi, mō ngā tāngata nā rātou te kāinga nei. Ko ētahi pātai hei āwhina i te ākonga e whai ake nei:
|
| Aromatawai | Ka whakaaturia tana tohungatanga ki te whakamārama i te tikanga o tēnei mea, o te momo tuhinga. |
Te hononga ki ngā marautanga katoa
- Mā te pouako e whakamahere te hononga o ngā mahi kua mahia e te ākonga hei whakaaturanga ki tētehi whakaminenga.
- Mā te ākonga e whakaemi āna mahi ki te pūataata rorohiko i a rātou e whakaoti ana i ngā ngohe. Hei te mutunga, ka whakaatu ki te akomanga, kura, ki ngā mātua rānei.
Ko te tūmanako ka whakauru katoa ngā ākonga i ā rātou mahi ki tā rātou pūataata rorohiko, ko ngā ngohe nei e akiaki ana te ākonga me te pouako ki te rāwekeweke i ngā taonga hangarau, arā, te rorohiko, te pūataata rorohiko, te pūataata ā-reo, ā-pūrere ataata, me ngā momo ataata katoa.
Ka whai wāhi te pouako ki te tango whakaahua, pūrere ataata, rīpene ataata, ataata ā-reo, me tango. Ka noho ēnei ataata hei taunakitanga i ngā mahi kua mahia nei e te ākonga, hei taonga aromatawai mā te pouako hoki.
