Te hanga tioata tote
Pūtaiao i roto i te Marautanga o Aotearoa
| Whenu | Ō kawekawe (wh. 62) |
|---|---|
| Kōeke | Te rea |
| Whāinga paetae | Ka taea e te ākonga te tūhura ngā matū ā-rangi me te whakamārama te āhuatanga korakora o te matū, me pēhea te noho hei ūtoka, hei wē, hei hau (pēnei i te wai, i te hinu kānara). |
| Te pūkenga | Te āta tuhi i tāna i mātakitaki ai, i ine ai, ā, kia pūnahanaha hoki. |
| Te tauira wheako | He whakarewa i te tote me te waiho kia tioatatia anōtia, kia kite mai ai i pēhea i hanga i te tioata tote. |
| Aromatawai | E kitea ai te kaha o te ākonga ki te mōhio ki te tukanga whāpāhare, me taka e ia he tote māori mai i ngā wairewa meha o te waikawa pūmaota me te konutai waihā. |
Hei mahi 5:
- Putua atu he wai ki roto ki tētahi ipu, pērā i te ipu tiamu.
- Ruirui atu he tī-pune tote ki roto.
- Kōroritia kia memeha atu.
- Mahia tonutia tae noa ki te wā e kore e memeha te tote, arā, ko te wā ka taka noa atu te tote ki raro, takoto ai.
- Herea he taura iti kia tautau atu ki roto i te wai.
- Waiho ki tētahi wāhi mahana, pērā i te paepae o te matapihi.
- Mātakitaki mō te rua wiki, neke atu rānei. Kua aha?
