Rangahaua kia kite
Te Reo Māori i roto i te Marautanga o Aotearoa
| Whenu | Pānui (Tuhituhi) (wh. 81) |
|---|---|
| Kōeke | 6 |
| Whāinga paetae | Me pānui te ākonga kia whai hua ai tana rangahau i ngā tūmomo tuhinga e pā ana ki ngā kaupapa kua whakaritea hei tirotiro māna. |
| Te pūkenga | Ko te tāutu i ngā ariā matua i puta i ngā tuhinga huhua. |
| Te kawenga | Te rapu haere me te pānui i ngā tuhinga maha kia mōhio ai te tauira he aha ngā whakaaro o tēnā, o tēnā mō tētahi kaupapa. |
| Aromatawai | Ka whakaaturia tana tohungatanga ki te tīpako kōrero taipitopito mai i ngā tuhinga. |
Hei mahi 4:
Rangahaua tētahi o ngā kaupapa nei:
- Te whakamahi i ngā ngaru ā-tai hei whakamahi hiko.
- Ngā painga o te karengo mō te tinana.
- Ka pēhea te rere o te ia matua o te Gulf ā te wā ka mahana ake te ao? (arā, ko te Gulf Stream me global warming).
- Te haere o ngā tuna i Aotearoa ki Hāmoa, me te hokinga mai o ā rātou punua.
- Nā te aha ka pari, ka timu te tai? (rangahaua ngā kōrero tuku iho me ngā kōrero o te ao pūtaiao hoki).
Kia maumahara: mō ētahi o ngā kaupapa nei, he tāngata e whakaae ana, he tāngata anō e whakahē ana. Me rangahau e koe ngā taha e rua.
Mutu ana te rangahau, whakaatuhia ngā hua ki ngā ākonga mā te:
- kauhau.
- hanga i tētahi whakaaturanga PowerPoint, me te whakamārama ā-waha hoki.
- hanga i tētahi pānui hei whakairi ki te pakitara.
