He kupu whakataki
He huinga pukapuka a Te Tautoko i whakatakotoria hei rauemi reo Māori e pā ana ki te ao Māori i roto i te horopaki, mō ngā rā o mua, o tēnei wā tonu, me ngā rā e heke mai nei. Ka tautokohia hoki ngā whāinga matua o ia marau, arā, ko te reo Māori, pāngarau, pūtaiao, hangarau, ngā tikanga ā-iwi, ngā toi, me te hauora mō ngā taumata whā ki te rima. Ka noho mai he kōrero paki, he kōrero pono anō hoki hei tūāpapa. Ko te tikanga, mai i reira ka toro haere ngā ākonga i ngā mahi takitahi, i ngā mahi ā-rōpū, i ngā mahi ā-akomanga rānei i te roanga atu o ngā kōrero.
Kua hora mai a Te Tautoko 57 nei hei whāwhātanga mā te hunga ako e ako ana i te reo Māori me ōna tikanga.
Te whakamahi i tēnei huinga pukapuka
Mā te pouako tēnei pukapuka, hei āwhina, hei tautoko i āna mahi whakarite mahere ako mā ngā ākonga. Ka arotahi ki Te Reo Māori i roto i te Marautanga o Aotearoa, ki ngā whāinga paetae, ngā pūkenga, te kawenga, me te aromatawai. Mā te kaupapa matua, arā, ko 'Ngā taumāhekeheke o te herenga ki Ingarangi – He hītori', me ngā kaupapa whāiti, pēnei i 'Ko te whānautanga mai', te horopaki e hāngai ana ki te taumata me tāu e hiahia ana mō āu ākonga.
Whakawehea ia whenu, kia whakawhanake i ngā pūkenga o ngā ākonga. Tērā ka hiahia koe kia whakatāruatia ngā wāhanga o tēnei pukapuka hei tāpiri atu ki tāu mahere.
Te kaupapa matua o Te Tautoko 57
Ko 'Ngā taumāhekeheke o te herenga ki Ingarangi – He hītori' te kaupapa matua o tēnei pukapuka. Inahea i tīmata ēnei taumāhekeheke? I tū i whea? Ko wai mā, nō whea hoki ngā kaiwhakataetae?
Mā te pānuitanga o te pukapuka nei ka mōhio.
Ngā kaupapa whāiti o Te Tautoko 57
E rima ngā kaupapa whāiti hei rangahautanga mā ngā ākonga:
- Ngā taumāhekeheke o te herenga ki Ingarangi
- Ko te whānautanga mai
- Te whakapēhinga nui o te ao
- Ko ngā taumāhekeheke o te herenga ki Ingarangi tuatahi ki Aotearoa
