Ko te whānautanga mai
Ngā hononga ki te marautanga
Te Reo Māori i roto i te Marautanga o Aotearoa (wh. 80)
| Whenu | Tuhituhi (Pānui) |
|---|---|
| Kōeke | 5 |
| Whāinga paetae | Me mārama, me whai hua, me whānui ngā momo tuhinga a te ākonga, me te āta aro anō me pēhea te whakaraupapa tika i ngā kaupapa. |
| Pūkenga | Ko te whakatakoto kupu kia mārama, kia raupapa anō ōna whakaaro. |
Hei mahi
- Ka wetewete (tātari) te ākonga i tētahi kaupapa kua tuhia i tēnei pukapuka, ka tuhi kōrero ai hei whakautu, anō he pūrongo ētita ia.
He tauira:
Pānuihia ngā tuhinga e pā ana ki a Bobby Robinson.
I tutuki tana wawata. Ki ōu nā whakaaro he aha i tutuki pai ai tana wawata?
Mā te ākonga e tuhi pūrongo e pā ana ki tētahi kaupapa kaingākau ki a ia anō kia hua mai tana moemoeā.
Aromatawai
- Ka whakaatu te ākonga i tana tohungatanga ki te whakawhanake i te tino kiko o tāna i tuhi ai kia mārama ai, kia whai hua ai hoki.
Pāngarau i roto i te Marautanga o Aotearoa (wh. 50)
| Whenu | Te ine |
|---|---|
| Taumata | 4 |
| Whāinga paetae | I roto i ngā horopaki whai tikanga, me mōhio te ākonga ki te:
|
Hei mahi
- Mā te ākonga he rārangi wā e tuhi mai i te tīmatanga o ngā taumāhekeheke ki tēnā o muri atu. Ka whakauru hoki ngā mōhiohiotanga:
- nō whea ngā kaiwhakataetae
- tokohia hoki rātou.
