Tangihanga
Ētahi whāinga paetae e hāngai ana
Te Reo Māori i roto i te Marautanga o Aotearoa
Ko te whenu 1.3 Pānui i te reo o tōna ao (Kōeke 1–3)
- Ka mārama te ākonga ngā tuhinga kōrero māmā e taunga ana, ā, ka puta mai te hihiri ōna ki te pānui i te reo Māori (kōeke 1).
- Ka mārama te ākonga ki te huhua noa o ngā tuhinga poto kua tīpakona hei whakangahau, hei whakamōhio rānei i a ia (kōeke 2).
- Ka taea e te ākonga te tīpako mai me te pānui i ngā tuhinga, hei whakangahau, hei whakaea hoki i ngā kaupapa kua whakaritea (kōeke 3).
Ka taea hoki e te pouako te whakamahi i ēnei kōrero e pā ana ki te pānui, kōeke 1–3:
- He tirohanga whānui, whārangi 24–25
- Ngā pūkenga tuhituhi, kōeke 1–3, whārangi 43
- Ngā whārangi whakamārama i te kawenga me ngā whai wāhitanga aromatawai, whārangi 75–77
- Ngā āheinga reo, whārangi 110–120
- Ngā ariā o te reo, whārangi 121–128
- Te wetewete i te reo, whārangi 129–135
- Ngā rārangi kupu, whārangi 138–165.
He mahi aromatawai
He tikanga kei te mau tonu:
- nō neherā anō, kei te whāia tonutia e Ngāti Pūkeko
- tōna rerekētanga ki ngā tikanga tangihanga o ētahi atu iwi
- ko te whakamārama mō tēnei tikanga
- te wāhi o te tikanga i roto i ngā mahi ā-iwi
- ko te tikanga o te ingoa Te ope tuatahi; tētahi nō ngā Māori i haere ki te pakanga tuatahi o te ao
- me whakarerekē ngā tikanga kia hāngai ki ngā hiahia o te iwi o nāianei.
Ko tētahi mahi ka taea
Ka tuhi ruri te ākonga i runga anō i tā te kaituhi titiro, e whakaatu ana i ōna whakaaro i a ia e mātaki atu ana i ngā āhuatanga e whakahaeretia ana i te māhau o te whare, anā, ka hikina te waka tūpāpaku, ka uru mā te matapihi. (Tuhituhi, kōeke 2–3)
Ngā hono ki ētahi atu marautanga
Ngā Toi i roto i te Marautanga o Aotearoa
Toi Puoro
Whenu: Tūhura, Mahi, Mōhiotanga (Kōeke 1–3)
Ka tito waiata tangi te ākonga e whakaahua ana i ngā momo kupu pēnei; hinapouri, matapouri, matapōrehu, matarehu, auwhi, kiwakiwa, au, tangi auere, tangi whakakurepe, tangi tarawē, uhunga.
Tikanga ā-Iwi i roto i te Marautanga o Aotearoa
Whenu: Te Ao Hurihuri (Kōeke 1–3)
Ka whakahaere patapatainga te ākonga i waenga i ōna mātua, mātua tūpuna hoki e pā ana ki ngā tikanga tangihanga, me ngā tikanga e whāia ana, kia kitea mēnā kua rerekē rawa atu ā rātou tikanga tangihanga i ngā tīkanga tangihanga o mua.
He whakataukī
Mate atu he tētē kura, ara ake he tētē kura
