Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


Te Tautoko Ministry of Education.

Mā te pouako navigation


Ngā momo waiata a te Māori

Ētahi whāinga paetae e hāngai ana

Te Reo Māori i roto i te Marautanga o Aotearoa

Ko te whenu 1.2 Kōrero i te reo o tōna ao (Kōeke 1–3)

  • Ka taea e te ākonga te whakapuaki ōna wheako whaiaro ki te takitahi, ki te rōpū hoki (kōeke 1).
  • Ka taea e te ākonga te whakapuaki whakaaro ki ōna hoa, ki ngā pakeke e mōhiotia ana, i ngā horopaki e taunga ana ki te ākonga (kōeke 2).
  • Ka taea e te ākonga te kōrero, te pātai, te whakaputa ōna ake whakaaro ki te hunga ākonga, ā, me raupapa, me mārama te kōrero (kōeke 3).

Ka taea hoki e te pouako te whakamahi ēnei kōrero e pā ana ki te kōrero, kōeke 1–3:

  • He tirohanga whānui, whārangi 24–25
  • Ngā pūkenga, whārangi 39
  • Ngā whārangi whakamārama i te kawenga me ngā whai wāhitanga aromatawai, whārangi 66–68
  • Ngā āheinga reo, whārangi 110–120
  • Ngā ariā o te reo, whārangi 121–128
  • Te wetewete i te reo, whārangi 129–135
  • Ngā rārangi kupu, whārangi 138–165.

He mahi aromatawai

Ka mōhio ngā ākonga ki:

  • ngā momo waiata me ō rātou āhuatanga, tikanga
  • ngā wehewehenga, ngā rerekētanga o ngā momo waiata
  • te take i titoa tēnā waiata, tēnā waiata
  • ngā kaitito, he wāhine te nuinga i neherā, pēhea i nāianei
  • te wāhi ki te waiata i ēnei rā, me ngā rerekētanga i neherā.

Ko tētahi mahi ka taea

Ka tuhi pakiwaitara, ruri, mōteatea rānei te ākonga, ānō nei ko ia tētahi o ngā kaitito i neherā, e whakaatu ana i ōna whakaaro me ngā kaupapa i titoa ai.

Ngā hono ki ētahi atu marautanga

Ngā Toi i roto i te Marautanga o Aotearoa

Whenu: Mahi (Kōeke 2–3)

Ka tipakohia e te ākonga tētahi waiata aroha. Ka āta tirohia te hanga o te tuhinga me te rangi. Ka wetewete te ākonga i ia rārangi o te waiata, me te titiro anō ki ngā āhuatanga i honohono ai tētahi rārangi ki tētahi atu.
Me tāutu hoki i ngā rerenga kōrero e kitea ai tā te kaitito ake whakatakoto, whakamahi i te kupu.

He whakataukī
Kia āta kō ngā kōpara a Rongomaitāpui.

Whakamārama: e toru ngā tamāhine a Rongomaitāpui (he wāhine rangatira o Ngāti Porou ki Kawakawa) i mōhiotia mō te reka o te reo waiata, pērā rawa i te tangi tōrino o te kōpara (korimako). Kei te mau tonu i ngā uri o Rongomaitāpui te reka ki te waiata.

Ki runga ^


Ngā hononga

Pāwhiria a konei mō ngā pārongo e pā ana ki te pukapuka.

Te Marautanga o Aotearoa

Ngā whakaputanga tā o 'Mā te Pouako'


Site map


Footer: