Whakaakoranga 4
Rāniera Erihana rāua ko Riki Erihana
Te Wharekura 70 whārangi 16
'I whakaaro nui ia ki ngā hua o te mātauranga. He tangata whai mātauranga hoki ia. Ka whakahaua e ia āna tamariki ki te whai i te mātauranga hei whakahoki mai i te mana o te Māori. Ko tāna ki a rātou, “Whāia ko te mana o te Māori kua ngaro nei.” Āwangawanga ana ia i te kitenga o te ngaro haeretanga o ngā whenua Māori. Ka tukuna e ia tētehi o āna tamariki ki te ako i ngā mahi rōia. Ka puta ia ko te Māori tuatahi ki te whiwhi ki te tohu rōia. Ko Tame Rangiwāhia tōna ingoa. I whai ingoa atu anō ia i āna mahi i runga i te papa whutupōro hei kāpene mō te tīma o Aotearoa. Ko tētehi anō, ko Eruera Pōhau, i puta hei rata, ā, i haere ki ngā moutere o Te Moananui-a-Kiwa ki te āwhina i ngā whanaunga o reira.'
