Te kākā me te kākāriki
KAIKŌRERO: I ngā rā o mua he manu tino ātaahua te kākāriki. Ko tōna koti kura he kākāriki te kara. Muramura ana tōna uma i te kura wherowhero. Harawene ana a Kākā ki ngā kura wherowhero o kākāriki. Ko tōna koti he pākākā noaiho te kara. Nō reira ka hiahia ai ki te kara muramura o kākāriki hei whakaataahua i a ia.
KO KĀKĀ: E kare, kāore koe e huna i tō uma whero.
KO KĀKĀRIKI: Kāore au mō te huna. Koinei rā te whero o te toto o Tāwhaki, e mīharotia nei e te katoa.
KO KĀKĀ: Tō heahea hoki. I tangi au ki a Tane, ka mihi hoki mō ōku kura pākākā. Koinei te kara o Papatuanuku. Kāore ngā ngārara e kite mai i au kia rere rāno ōku ngutu timo ki te patu i a rātau.
KO KĀKĀRIKI: Engari, ngā Tane nei i hōmai ngā kākahu kākāriki o Papatuanuku ki au. Ko te pūwhero o te tōnga o te rā ahiahi kei tōku uma.
KO KĀKĀ: Kei te hē koe. He tohu whakaparanga ēnā a mau nā koe.
KO KĀKĀRIKI: Kua mamae a Kākāriki. Me pēhea e kore ai ōku kura wherowhero.
KO KĀKĀ: Nā tōku aroha ki a koe, māku e huna o kura whero ki raro i ōku parihau.
KAIKŌRERO: Nā tērā, ka katoa e Kākāriki ōna kura wherowhero ka hoatu kia kākā. Tere tonu te huna a Kākā ki raro i ōna parihau, ka rere. I te rerehanga o Kākā ka kite atu a Kākāriki i te ātaahua o raro i ngā parihau o Kākā. Mōhio tonu atu ia kua hanarikitia ia e Kākā.
Whakapae
1. He aha tētahi o ngā ingoa mō te kūkupa. (6)
2. He manu tino kitea i ngā taha moana o Aotearoa. (6)
Whakararo
1. Nā tēhea manu i whānako ngā kura wherowhero o te kākāriki. (4)
2. Mā te huruhuru te manu ka_______. (4)
3. He manu tino nui nei ngā kanohi, ā, he haere pō. (3)