Te whakawhānautanga
Hei mahi 3
- Āta pānui i ngā kupu o 'He oriori mō Tūteremoana', te whiti tuatahi, 'Nau mai e Tama,' ka āta whakataurite i ngā kupu ki ngā whakamārama e tika ana.
He oriori mō Tūteremoana. Nā Tūhoto-ariki
“Nau mai, e tama
Kia mihi atu au
I haramai rā koe
I te kunenga mai o te tangata
I roto i te āhuru mōwai,
Ka taka te pae o Huaki-pōuri
Ko te whare hangahanga tēnā
A Tāne-nui-a-rangi
I te one i Kurawaka
I tātaia ai te Puhi-ariki
Te hiringa matua, Te hiringa tipua,
Te hiringa tawhitorangi
Ka karapinepine te pūtoto
Ki roto i te whare wāhiawa
Ka whakawhetū tama i a ia
Ka riro mai a Rua-i-te-pūkenga
A Rua-i-te-horahora
Ka hōkai tama i a ia
Koia hōkai Rauru-nui
Hōkai Rauru-whiwhia
Hōkai Rauru-maruāitu
Ka mārō tama i te ara namunamu
Ki te taiao
Ka kōkiri tama i a ia ki te ao tūroa
E tama, e i!”
Porowhitahia te whakamārama taurite ki te kupu.
| Kunenga | Āhuru mōwai |
| a) whakatōnga i te ira | a) whare nui |
| e) whakaokanga i te ira | e) whare tapere |
| i) whakataunga i te ira | i) whare tamariki |
| Te pae o Huaki-pōuri | Whare hangahanga |
| a) hapū te wahine | a) wahine tuarua |
| e) hope o te wahine | e) wahine tuatahi |
| i) hopu i te wahine | i) wahine tuatoru |
| Te one i Kurawaka | I tātaia ai |
| a) hangaia te tamaiti | a) te wahine purotu |
| e) hangaia te tāne | e) te wahine whānau tangata tuatahi |
| i) hangaia te wahine tuatahi | i) te wahine ātaahua |
| Te hiringa matua | Te hiringa tawhitorangi |
| a) whakamau i te ihi | a) te mana hanga tangata |
| e) whakamau i te mana | e) te mana hanga kararehe |
| i) whakamau i te tapu | i) te mana hanga atua |
| Ka karapinepine | Whare wāhiawa |
| a) te huihuinga o te pine | a) te putanga o te awa |
| e) te huihuinga o te wai | e) te putanga o te tamaiti |
| i) te huihuinga o te toto | i) te putanga o te whare |
| Whakawhetū | Ka riro mai |
| a) waihanga i te whetū | a) ka tipu ko te hinengaro |
| e) waihanga i te tamaiti | e) ka tipu ko te roro |
| i) waihanga i te marama | i) ka tipu ko te mahara |
| Ka hōkai | Hōkai rauru-nui |
| a) ka huri te tamaiti | a) tohu mō te tamaiti ora |
| e) ka tū te tamaiti | e) tohu mō te tamaiti mate |
| i) ka kori te tamaiti | i) tohu mō te tamaiti moe |
| Hōkai rauru-whiwhia | Hōkai rauru-maruāitu |
| a) he tamaiti hūmārie | a) he tamaiti moeroa |
| e) he tamaiti riri | e) he tamaiti mate |
| i) he tamaiti totohe | i) he tamaiti hiakai |
Aromatawai
Ka whakaaturia tana tohungatanga ki te:
- whakaoti i ngā mahi aroā pānui i roto i te wā kua whakaritea.
- kātoitoi atu ki ngā tino kaupapa o tētahi tuhinga.
