Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


Te Wharekura Ministry of Education.

Mā te pouako navigation


Te Wharekura 74 – He tīpuna, he mokopuna

Whenu: Whakarongo (Kōrero) Kōeke 5–8

Ngā whāinga paetae

Ka taea hoki e te pouako te whakamahi ngā pūkenga, ngā kawenga, me ngā aromatawai e hāngai ana kei ngā whārangi 62–65.

Hei mahi

Kia rua ngā pānuitanga ā-waha a te kaiwhakaako i tētahi wāhanga o te kōrero mō Kāterina, nāna i tīpako kē i mua. I ngā ākonga e whakarongo ana, ka tāutu haere, ki ō rātou whakaaro, i ngā ariā matua.

Ka mutu, ka whakamārama rātou i ngā take i kōwhiritia ai aua ariā matua e rātou. (Kōeke 5)

Ka whakarongo ngā ākonga ki Whakatairanga i te Reo: Rīpene kōrero nō te huinga rauemi Taonga Tuku Iho. Kei te taha tuatahi o te rīpene kōrero tuatoru e kōrero ana a Kāterina ki a Wena Tait mō āna mahi tuhituhi. Me tāutu rātou i ngā takune o te kaiuiui me te ngako o te kaupapa kōrero. (Kōeke 6)

Te whakaekenga a Ngā Puhi

Ka pānui ā-waha te kaiwhakaako, kātahi ka matapaki ngā ākonga i te āhua e rerekē pea ai te kōrero mēnā ko Pirihira anō, ko tētahi atu rānei mai i te kōrero, i roto i tō rātou akomanga e kōrero tika tonu atu ana ki a rātou. Me whai whakaaro rātou ki ngā āhua e rerekē ai te kupu kōrero i te kōrero paki, me te reo ōpaki i te reo ōkawa. (Kōeke 7)

Ka whakarongo ngā ākonga ki te waiata 'Whakarongo', nā Ngoingoi Pewhairangi i tito, ka tāutu rātou i ngā waiaro me ngā kare ā-roto e pā ana ki te whakaoranga o te reo Māori e putaputa mai ana. I muri i te rangona, ka wetewete haere i te rerekē o te whakapuaki mai i ēnei i roto i ngā waiata, i te whakapuaki mai i roto i ngā tuhituhinga. (Kōeke 8)

Ki runga ^


Ngā hononga

Pāwhiria a konei mō ngā pārongo e pā ana ki te pukapuka.

Te Marautanga o Aotearoa

Ngā whakaputanga tā o 'Mā te Pouako'


Site map


Footer: