Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


Te Wharekura Ministry of Education.

Mā te pouako navigation


Te Wharekura 74 – He tīpuna, he mokopuna

Whenu: Mātakitaki (Whakaatu) Kōeke 5–8

Ngā whāinga paetae

  • Ka mōhio, ka whakamārama ake te ākonga i ngā hua o te nohotahi a te reo ataata me te reo ā-waha. (Kōeke 5)
  • Ka whai haere, ka mārama te ākonga ki ngā wāhanga reo ataata āhua roa tonu, ā, ka taea te whakamārama atu te āhua o te hononga atu o ēnei ki te reo ā-waha. (Kōeke 6)
  • Ka whai te ākonga i ngā whakaaturanga reo ataata āhua roa ake, ahakoa te kaupapa, ā, e mārama ana ia ki te pūtake o aua whakaaturanga. (Kōeke 7)
  • Ka arotake te ākonga i ngā hua o te whakaaturanga reo ataata e whakamahia ana i ngā wāhi huhua noa e pā ana ki ngā take huhua noa. (Kōeke 8)

Ka taea hoki e te pouako te whakamahi ngā pūkenga, ngā kawenga, me ngā aromatawai e hāngai ana kei ngā whārangi 97–100.

Hei mahi

Ka hoatu ētahi putanga o nā noa nei o Te Wharekura ki ngā ākonga hei mātakitanga mā rātou, ā, ka matapaki i ngā momo pārongo ka pāhaotia mai i te titiro noa iho ki ngā uhi. Me whai whakaaro e rātou ngā āhuatanga pēnei i te whakakapititanga o te reo ataata me te reo ā-waha; te hāngaitanga o te hoahoa; te āhua o tā te uhi whakaata i ngā ihirangi. (Kōeke 5)

He whānui ngā tūmomo whakaahua kei Te Wharekura 74. Me whai whakaaro e ngā ākonga ngā take i pērā ai te whānuitanga. Ka whakamārama rātou i te āhua o te hononga atu o ngā wāhanga reo ataata ki te reo ā-waha, ā, me te whakatau mēnā ka tautoko ngā whakaahua i ngā kupu, ka noho rānei hei kīnaki ki ngā kupu. Me whai whakaaro ki ngā take i pērā ai. (Kōeke 6)

Ka mātaki ngā ākonga i tētahi wāhanga o tētahi rīpene ataata reo Māori. Me āta whai rātou i ngā kōrero, i te reo ā-tinana, i ngā whakaahua. Ka tāutu rātou i ngā āhuatanga o te reo ataata e hāpai ana i te kaupapa o te reo ā-waha. Kātahi rātou ka matapaki i ngā āhuatanga reo ataata ka whakamahia pea e rātou i roto i tētahi rīpene ataata mō Te Taura Whiri i te Reo Māori. (Kōeke 7)

Ka mātaki ngā ākonga i tētahi kōwhiritanga o ngā pānuitanga kua hopukina mai i Te Whakaata Māori me te matapaki i te hāngai o te reo ataata ki te koronga o te pānuitanga, ki te hunga mātakitaki hoki. Kātahi rātou ka whai whakaaro ki ngā rerekētanga ka puta mai i roto i te reo ataata mēnā he niupepa kē, he moheni kē me te reo irirangi. (Kōeke 8)

Ki runga ^


Ngā hononga

Pāwhiria a konei mō ngā pārongo e pā ana ki te pukapuka.

Te Marautanga o Aotearoa

Ngā whakaputanga tā o 'Mā te Pouako'


Site map


Footer: