Te Wharekura 73 – Ngā uki a ngā Rauru Kiitahi
Whakarongo (Kōrero)
Ngā whāinga paetae
Kōeke 5
Ka mārama ki te ākonga te whānuitanga o ngā kōrero i te huhua noa o ngā horopaki ngahau, me ngā horopaki ako.
Kōeke 6
Ka mārama te ākonga ki te roanga o ngā kōrero i te huhua o ngā wāhi whakahoahoa me ngā wāhi ako.
Kōeke 7
Kia āta mārama ki tētahi reo ōpaki, ōkawa rānei ahakoa pēhea te roa, te poto, te tere, te kaupapa kē rānei, me te āta whakaaro anō ki ngā āhuatanga horopaki.
Kōeke 8
Ka mārama ki te ākonga ngā kōrero e mau nei ngā whakatakotoranga uaua, me te pakari anō o tana tū i ngā horopaki huhua noa.
Ngā pūkenga
Kōeke 5
Ko te tāutu i te pūtake o te kōrero.
Kōeke 6
Ko te whakahāngai i te āhua o te whakarongo ki te horopaki.
Kōeke 7
Ko te whai i ngā kōrero, i ngā waiaro, i te wairua o te kōrero a te tauhou e matatau ana ki te reo.
Kōeke 8
Ko te whai i te reo ā-iwi a te tauhou e matatau ana ki te reo Māori.
Te kawenga
Ngā uki a ngā Rauru Kiitahi
Hopukina tēnei whakapapa ki runga rīpene. (Mēnā kāhore he pūrere hopureo tāu, māu te whakapapa e pānui ā-waha.) Kia toru ngā wā ka purei i te rīpene nei, ka pānui ā-waha rānei te whakapapa nei. Whakamārama atu te whakapapa ki āu ākonga. Ko te mahi mā ngā ākonga, he āta whakarongo kia āhei rātou ki te whakautu i ngā pātai e whai nei.
- Ko wai te tangata ka moe i a Wharawhara?
- Ko wai te tangata 'tō mua'?
- Ko wai te tangata 'muri iho'?
- Ko wai te tangata tō mua i a Te Whakauerangi?
- Ko wai te tangata kei waenganui i a Ngāi-nui rāua ko Ngāi-kaha?
- Ko wai te tangata ka moe i a Rongoueroa?
Kia oti te whakautu i ngā pātai nei, me mahi takirua ngā ākonga hei hihira i ngā whakautu. Me pānui anō ngā ākonga i te whakapapa nei. Anei ngā whakautu tika e rārangi mai ana:
- Ko Aroaro-te-rangi
- Ko Punga
- Ko Karihi
- Ko Whakauenuku
- Ko Ngāi-roa
- Ko Ruarangi
Āheinga reo 1: Mihi – Ōkawa
Te whakapapa o Ngā Rauru Kiitahi
Āpitihanga 4 – Ngā rārangi kupu
| ake | kia tipu ake, ka poupou ake |
|---|---|
| āwha | o te āwha |
| āwhio | o te āwhio |
| hihiri | Pukepuke te hihiri |
| iho | muri iho ko Karihi |
| ira | te ira tangata |
| matua | te tākiri nui o ngā mātua, matua te pō, ... |
| pūmau | te wā pūmau |
Aromatawai
Ka whakaaturia tana tohungatanga ki te:
- whakamahi i te maha noa atu o ngā pūkenga whakarongo
- whakamārama i te tikanga o tēnei mea, o te 'momo tuhinga'
- rapu i ngā tino mōhio mai i ngā whakaaturanga reo ataata.
Ngā whaipānga o ngā uki
Hei mahi takirua
Tuatahi, me pānui ngā ākonga i te upoko nei. Tuarua, mā ia ākonga e whakarite ngā pātai e toru mō te upoko nei. Mā tētehi ākonga āna pātai e pānui ā-waha. Mā tērā atu ākonga te whakautu e kimi mai i te upoko nei.
Hei tauira
- Ko wai te tāne o _________________?
- Ko wai te wahine o _________________?
- He aha ngā waka i heke mai ai ngā uki o Rauru Kiitahi?
Ngā whare a Rauru
Mahi ā-rōpū
Tāruatia te mahere kei raro nei. Tapahia ngā wāhanga. Hoatu ngā wāhanga ki ngā ākonga. Mā rātou e tūhono ngā ingoa o ngā whare ki ngā whakaaturanga e tika ana.
| Te Rūrūnga o Rauru | Ka rūrū te whenua i a ia me āna toa. |
| Te Kohete o Rauru | Ka oreore i runga tonu i te mana o āna kōrero. |
| Te Kaha o Rauru | He kaha hāpai i tōna iwi ahakoa ngā taumahatanga. |
| Te Mihinga o Rauru | Ko te pōwhiri nui i te manuhiri he taonga nui. |
| Te Wehenga o Rauru | Ka mihi atu te iwi ahakoa ki hea. |
| Te Arei o Rauru | Ko te mana tohu whenua tēnei. |
| Rongomai Rauru | Ko te kawenga maungārongo. |
| Te Kapunga Rauru | Ko te mana pupuri whenua. |
