Te Wharekura 72 – Kawiti
Te tīmatanga o te koha: Hei mahi
Ka pānui te ākonga i ngā kōrero mō te koha, ā, ka whakataurite ia i ngā kōrero ki āna wheako i a ia e haere ana ki tētahi marae. (Pānui, kōeke 6)
Ka pānui te ākonga i te kōrero 'Te tīmatanga o te koha'. Whakatauritea ētahi tuhinga pēnā anō nō te tīmatanga o te rau tau tekau mā iwa me tēnei wā hoki. Tirohia ngā rerekētanga o ngā koha mai i tērā wā, tae noa ki tēnei wā. (Pānui, kōeke 7)
Ka pānui te ākonga i ngā whiti e rua i runga i te whārangi 32 o te kōrero 'Te tīmatanga o te koha'. Ki tō te ākonga whakaaro, ko wai ngā 'kūmara nunui' ki a ia, ahakoa nō tōna whānau, nō tōna iwi, he hoa tata, he tangata rongonui rānei ka rangona ia. Tēnā, ka whāki te ākonga ki te karaehe ko wai ngā 'kūmara nunui' ki a ia, ā, he aha ia e whakaaro pēnā ai. (Pānui, kōeke 7)
