Te Wharekura 72 – Kawiti
Ngā ture a te tomo: Hei mahi
Me uiui te ākonga i ōna mātua me te takinga ka mahia e ōna mātua i a rāua e whakaipo ana. Hei kīnaki ki tēnei mahi, me uiui anō hoki te ākonga i ōna kaumātua, kia whakataurite i ngā whāinga o ōna mātua ki ngā whāinga o ōna kaumātua kia kite i ngā mea ōrite, me ngā mea rerekē o tēnā whakatupuranga, o tēnā whakatupuranga. Me tāutu ngā takune o ngā kaiuiui, me te ngako o te kaupapa kōrero. (Whakarongo, kōeke 6)
Ka whakatauritea e te ākonga ngā ture a te tomo o te iwi Māori ki ngā iwi o Te Moananui-a-Kiwa, o Ūropi, o Āhia, o Awherika, me ngā whenua Arapi. Ko tāna he tuhi i ngā ariā matua. He aha ngā mea ōrite? He aha ngā mea rerekē? (Whakarongo, kōeke 7)
Ka whakarongo te ākonga ki ngā whiti o tētahi waiata aroha, waiata tangi rānei, he mōteatea te āhua. Ko tāna he tuhi i ngā ariā matua o te kaitito. (Whakarongo, kōeke 7)
Ka whakarongo te ākonga ki ētahi wāhanga o te kōrero 'Ngā ture a te tomo' e pānuitia ana e te pouako. Kātahi ka whakautu i ngā pātai e pā ana ki te horopaki i puta i aua kōrero. (Whakarongo, kōeke 7)
