He kupu whakataki
He kōrero whakamahara kei roto i Te Wharekura ki tētahi o ngā tīpuna rongonui o Ngāti Porou, o Aotearoa whānui hoki o tērā rautau, arā, a Paratene Ngata, te matua o Tā Apirana Ngata. I ora a Paratene i te wā e whakatahuri nuitia ana te ao Māori i ngā auraratanga me ngā pēhanga o te ao Pākehā. Ahakoa ēnei āhuatanga, i āhei i a Paratene te tū tangata tonu hei takawaenga mō ēnei ao e rua. Ka kite hoki tātou i roto i ēnei kōrero he tangata whai mātāpono tēnei, he ngākaunui hoki ki ngā taonga tuku iho, arā, ko te reo me te whenua. Kāhore e kore ka whiwhi taonga hoki ā tātou tamariki i roto i ngā kōrero mō Paratene. Ka kitea e rātou he momo, he tauira hei whāinga mā rātou i ēnei rā e raruraru tonu nei te iwi Māori i ngā aurara me ngā pēhanga o te ao.
Ko ngā whakaakoranga me ngā ngohe e whai ake nei, hei āwhina ēnei mō te kaiwhakaako, kia whai hua ai ngā reanga o ngā kōeke rima ki te waru.
Ngā tohatoha mahi. Kōeke 5 ki te 8.
| Kōeke 5: | 100 kupu ki tō pukapuka tuhituhi | ngohe 1, 2, 3, 4, 5 |
|---|---|---|
| Kōeke 6: | 200 kupu ki tō pukapuka tuhituhi | ngohe 1, 2, 3, 4, 5 |
| Kōeke 7: | 300 kupu ki tō pukapuka tuhituhi | ngohe 1, 2, 3, 4, 5 |
| Kōeke 8: | 400 kupu ki tō pukapuka tuhituhi | ngohe 1, 2, 3, 4, 5 |
Tikanga ā-Iwi i roto i te Marautanga o Aotearoa
| Taumata 5: | Ngā whāinga paetae me ngā tohu aromatawai | wh. 40–41 |
|---|---|---|
| Taumata 6: | Ngā whāinga paetae me ngā tohu aromatawai | wh. 42–43 |
| Taumata 7: | Ngā whāinga paetae me ngā tohu aromatawai | wh. 44–45 |
| Taumata 8: | Ngā whāinga paetae me ngā tohu aromatawai | wh. 46–47 |
| Taumata 5: | Te ahurea me te tuku ihotanga | wh. 58–59 |
| Taumata 6: | Te ahurea me te tuku ihotanga | wh. 60–61 |
| Taumata 7: | Te ahurea me te tuku ihotanga | wh. 62–63 |
| Taumata 8: | Te ahurea me te tuku ihotanga | wh. 64–65 |
| Taumata 5: | Te ao hurihuri | wh. 77–78 |
| Taumata 6: | Te ao hurihuri | wh. 79–80 |
| Taumata 7: | Te ao hurihuri | wh. 81–82 |
| Taumata 8: | Te ao hurihuri | wh. 83–84 |
| Taumata 5: | Te wāhi me te taiao | wh. 96–97 |
| Taumata 6: | Te wāhi me te taiao | wh. 98–99 |
| Taumata 7: | Te wāhi me te taiao | wh. 100–101 |
| Taumata 8: | Te wāhi me te taiao | wh. 103–104 |
| Taumata 5: | Ngā rawa me ngā mahinga ohaoha | wh. 115–116 |
| Taumata 6: | Ngā rawa me ngā mahinga ohaoha | wh. 117–119 |
| Taumata 7: | Ngā rawa me ngā mahinga ohaoha | wh. 120–121 |
| Taumata 8: | Ngā rawa me ngā mahinga ohaoha | wh. 122–123 |
Te Reo Māori i roto i te Marautanga o Aotearoa
Ko ngā whāinga paetae ko ērā kei ngā whārangi 80–83 me 88–91 o Te Reo Māori i roto i te Marautanga o Aotearoa.
E ono ngā whakaakoranga, ngohe hoki. Kei te kaiwhakaako te tikanga mō te roa o tēnā ngohe, o tēnā ngohe. Hei tāpiri atu ki tēnā ngohe, ki tēnā ngohe, ko tāna anō tāwhera pepa mahi hei hāpai i ngā whāinga paetae me te kōrero pūrākau hoki.
Ko ngā tukanga tikanga ā-iwi, arā, ko te pakirehua, te tūhura uara mā te whakatau kaupapa pāpori, e whakaatatia ana i roto i ngā ngohe.
Hei tauira tīmatanga whakaako
E pai ana kia pānuitia e te pouako te kōrero o roto o Te Wharekura 71 i mua o te rangi ka toha ai ki ngā ākonga. Nā te maha o ngā tino whaipānga a te rangatira nei, tērā pea me pānui noa ngā whārangi e rua, ka whakamahi ai i ngā ariā matua, ngā nekehanga, te tāutu i ngā kupu hou, me te tuku pātai hei aki i te whakawhitinga kōrerorero a ngā ākonga.
Whakamahia ngā ākonga ki te tuhi i ngā mea nā te katoa, nā te rōpū rānei i whakatau, ki roto i ā rātou pukapuka, kia whiwhi kōrero ai rātou ina ka kimikimi anō rātou mai i te kōrero pūrākau. Meinga kia whiwhia e tēnā ākonga, e tēnā ākonga tāna ake pukapuka Te Wharekura 71.
Ngā hononga ki ētahi atu marautanga
Ahakoa kua tuhia ngā ngohe e whai ake nei hei āwhina i te whakaheinga o te marautanga tikanga ā-iwi, kāhore e kore ka whakapakari aua ngohe i ngā pūkenga whakawhitiwhiti whakaaro, rangahau, whakaraupapa mōhiohio hoki o ngā ākonga i roto i te reo Māori. Nā reira, ka taea te kī mā te whakaoti i ēnei ngohe ka paku whakarei ake ngā pūkenga reo o ngā ākonga i roto i ngā whenu pānui, kōrero, tuhituhi hoki o Te Reo Māori i roto i te Marautanga o Aotearoa, ina koa kei ngā kōeke 5–8. Ka āwhina anō hoki ēnei ngohe ki te whakapakari i ngā pūkenga o ngā ākonga ki te whakaoti i ēnei o ngā paerewa paetae o Te Reo Rangatira, kōeke 1, o te taumata mātauranga ā-motu, arā:
- Te Reo Rangatira 1.2 Kōrero i ngā horopaki huhua noa
- Te Reo Rangatira 1.3 Pānui i ngā horopaki huhua noa
- Te Reo Rangatira 1.4 Tuhituhi i ngā horopaki huhua noa.
Te taumata mātauranga ā-motu
Me kī anō hoki ka whakapakari ngā ngohe nei i ngā pūkenga me ngā tukatuka e hiahiatia ana e ngā ākonga ki te whakaoti i ngā paerewa paetae e rima o ngā tikanga ā-iwi, kōeke 1, o te Taumata Mātauranga ā-Motu, ahakoa kāore anō ēnei kia tuhia ki te reo Māori. Ko aua paerewa paetae ko:
- te tirotiro i ngā panoni i roto i te pāpori
- te tirotiro i te whai wāhi a te tangata i roto i te pāpori
- te whakahaere i tētahi pakirehua tikanga ā-iwi
- te tirotiro i ngā waiaro rerekē o ngā rōpū rerekē
- te whakatakoto i ngā mahi me mahi ki te whakatau i tētahi take pāpori.
