Te Riri o Tāwhirimātea ki a Tāne-mahuta
Marautanga: Te Reo Māori
Taumata: 4
Ngā Āhuatanga o te Ākonga
He whānui tōna reo kōrero – ka taea te tautohetohe, te tuku pātai, te whakaputa i ngā kare ā-roto, te kōrero whakanene. He hāngai tana kōrero ki te kaupapa, ki te wheako rānei o te wā. He rawe āna tuhinga, ā, kua mōhio haere ki ētahi momo tuhinga pērā i te pūrongo, te paki, te whakamārama, te whakaputa whakaaro. Kua whakamātau ki te pānui i ngā momo tuhinga maha nā te rahi haere o te puna pūkenga pānui.
| Āheinga Reo | Ka tutuki te whānuitanga o ngā āheinga reo i roto i te wairua ngahau me te hiahia ki te whakawhitiwhiti whakaaro. |
| Ā-Tā |
2. Ka tīpako i ngā āhuatanga o ngā momo reo tuhi hei whakaniko i ngā tuhinga pono me ngā tuhinga auaha. 3. Ka whai whakaaro ake ki te pūtake o te tuhituhi me te kaipānui. |
| Rautaki Reo | Ka whakamahi rautaki reo, ā, ka taea te whakamārama ngā huarahi kua whāia hei whakatutuki i tāna i whakaputa ai, i rongo ai. |
| Ā-Tā | 5. Ka whakamahi i ētahi rautaki rangahau mō te huhua o ngā take. |
Marautanga: Hauora
Taumata: 5
Tangata Whanaungatanga
1. Ka tautohu i ngā take e hāngai ana ki ngā hononga tāngata i roto i ngā horopaki huhua, me te whakaahua i ngā kōwhiringa kia puta ai he hua pai.
| Hei Mahi |
|---|
| Pānuitia atu ki ō ākonga te pūrākau nei, Te Riri o Tāwhirimātea ki a Tāne-mahuta. Me uiui ake, me patapatai ake:
• Mehemea ko koe tonu te kaihanga o Rangi rāua ko Papa, te kaihanga rānei o tēnei pūrākau, pēhea nei tō tuhi tuarua i te ia o ngā kōrero e tau ai ngā kūrakuraku i waenga i a Tāne rāua ko Tāwhirimātea, e tatū pai ai ngā nawe? Tuhia tuaruatia te pūrākau nei kia puta rerekē te otinga, arā, māu e whakatau tika, e whakatatū pai i ngā nawe i waenga i a Tāne rāua ko Tāwhirimātea. Huihuia mai te akomanga hei whakatakoto mā tēnā, mā tēnā i tōna rongoā (me kī ) i tōna rautaki whakatau, whakatatū nawe. Ka mutu, ka whiriwhiria mai ko ētahi hei kaupapa whakawhitiwhiti kōrero, hei taukumekume, hei taupatupatu ā-rōpū i roto i te akomanga. |
Marautanga: Ngā Toi
Taumata: 4
Toi Ataata
Ka whakawhanake ariā, ka whakapakari pūkenga, ka whakamārama, ka whai māramatanga te ākonga:
• mā te tūhura me te whakamahi i ngā hua o ngā rawa, rawa tā, me ngā taputapu;
• i ngā mahi o te whiriwhiri tukanga rawa tā, me te tautohu taputapu;
• mā te whakamahi i ngā tukanga me ngā rawa tā a te kaitoi.
Ngā Mahi a te Rēhia
Ka tūhura, ka whakaatu:
• i ngā tukanga;
• i ngā tūmomo mahi.
Ka mārama, ka whakaatu whakaaro:
• ki ngā tukanga;
• ki ngā tūmomo mahi.
Toi Puoro
Ka tūhura, ka whakauru hangarau, ka whakawhanake, ka tautohu:
• i ngā tūmomo mahi puoro e rata ana ia;
• i ōna mōhio ki te ia o te puoro;
• i ngā rerekētanga o ngā oro waiata me ngā tūmomo taonga puoro.
| Hei Mahi |
|---|
| Waihanga Taiao Pānuitia atu te pūrākau, Te Riri o Tāwhirimātea ki a Tāne-mahuta, me tuku rānei mā ngā ākonga e pānui i roto i te wā kua whakaritea. Kātahi ka werohia atu te hinengaro, arā, me āta whakanoho ngā ākonga i a rātou anō ki roto ao pōkerekere rawa, pōuri, kātahi ka whéroki mai, ka kohae mai, ka āta kura, āta hāparangi mai te ao ki a tātou, ki te ira tangata. • Me waihanga mai e koe, e koutou rānei he mahi toi (reo, ataata, kori) e waitohu ana, e whakaari ana i te pōuritanga me te kākarauritanga, e kohae mai ana ki te ao mārama, mai i te riri me te pōrearea ka ahu atu ki te āio, te rangimārie me te manawa roa. Mahia mai he mahi toi e kitea ai ēnei āhuatanga katoa:
• He aha nei tōna āhua ina tirohia tēnei mea te riri? |
