Toa
Marautanga Hauora
Taumata: 4 | |
|---|---|
| Waiora Kai: | 1. Ka whakawhiti whakaaro mō ngā momo kai, mō te oranga ā-wairua, ā-hinengaro, ā-tinana. |
| Haumarutanga: | 4. Ka kimi, ka whakamahi mōhiohio i ngā horopaki huhua hei whakatau, hei whakatinana i ngā kōwhiringa haumaru. |
| Koiri Akoranga Koiri: | 1. Ka māia te tū i te wā e whakaatu ana i ētahi raupapa neke i ngā horopaki huhua.2. Ka whakaatu i tōna hiahia ki te kawe i ngā take me ngā rautaki koiri, ki te whakawhānui atu i ōna āheinga koiri. |
| Whakamahinga Pūkenga Koiri: | 3. Ka whai wāhi atu me te whakaputa māramatanga ki ngā mahi ngātahi i roto i ngā mahi koiri, ā-iwi, ā-hapori hoki. |
Hei mahi
Pānuitia atu ki a rātou te wāhanga mō Te Whare Kotua Morrison-Hare me ōna wheako i roto i te hōtaka MTS e kīia nei ko TOA.
Hei mahi takitahi, takitini rānei:
Tērā me pohewa e uru atu ana koe ki roto i te whakataetae o Toa o te hōtaka pouaka whakaata. Me aha nei e koe hei whakangungu kia noho takatū ai, noho rite ai? E rua marama e toe ana ka eke ki te whakataetae. Me oti i ngā ākonga tētahi rautaki whakangungu tinana, kai tōtika hoki hei whakarite mō te hōtaka whakataetae nei. Me whai wāhi ngā kai tōtika i roto i te whakangungu tinana, me ngā pūkenga e whāia nei, otirā me wehewehe mō ia wiki. Me whakaatu ā-tuhi, ā-kauhau mai ngā ākonga i te rautaki whakangungu ki mua o te akomanga, kia rima meneti te roa.
