Huria Ngarongoa Katene Matenga
Marautanga Te Reo Māori Taumata: 4
Ngā Āhuatanga o te Ākonga
He whānui tōna reo kōrero – ka taea te tautohetohe, te tuku pātai, te whakaputa i ngā kare ā-roto, te kōrero whakanene. He hāngai tana kōrero ki te kaupapa, ki te wheako rānei o te wā. He rawe āna tuhinga, ā, kua mōhio haere ki ētahi momo tuhinga pērā i te pūrongo, te paki, te whakamārama, te whakaputa whakaaro.
Kua whakamātau ki te pānui i ngā momo tuhinga maha nā te rahi haere o te puna pūkenga pānui.
| Rautaki Reo | Ka whakamahi rautaki reo, ā, ka taea te whakamārama i ngā huarahi kua whāia hei whakatutuki i tāna i whakaputa ai, i rongo ai. |
|---|---|
| ā-Tā: | 5. Ka whakamahi i ētahi rautaki rangahau mō te huhua o ngā take. |
Hei Mahi
Me pānui ngā ākonga i te tuhinga koiora mō Huria Ngarongoa Katene Matenga.
Me titiro whakamuri ki ngā wā o ngā tūpuna me ngā iwi whakarangatira i te momo o te wahine. Me tātai whakaheke mai, arā, me rangahau, me kimi atu, me rapu atu, i ētahi atu wāhine toa, wāhine hautipua, wāhine ruahine rānei i tū ā-tāne atu ki te mura o te ahi i te marae ātea, i te whare tangata rānei. He tini rawa ngā momo wāhine hautipua, huri noa i te ao Māori, huri noa i te ao anō hoki.
Mehemea he wahine koe e tū pērā ana i te wā e kaha ana ngā tāne, ki a koe, he ōrite ngā wā o nāianei ki ērā o mua? He aha ai? Ko wai te wahine tuatahi i uru ki Te Kotahitanga? (Meri Kaihu.) Ko wai te wahine tuatahi i uru ki roto i te whare pāremata? (Iriaka Rātana.) Ko te Kuini Māori me tōna momo whakahaere he rerekē ki tō te tāne? Kimihia atu te āhuatanga o te tū a te wahine i tōna tū. E tika ana kia whakatāne te wahine i a ia anō?
Marautanga Te Reo Māori Taumata: 4
Ngā Āhuatanga o te Ākonga
He whānui tōna reo kōrero – ka taea te tautohetohe, te tuku pātai, te whakaputa i ngā kare ā-roto, te korero whakanene. He hāngai tana kōrero ki te kaupapa, ki te wheako rānei o te wā. He rawe āna tuhinga, ā, kua mōhio haere ki ētahi momo tuhinga pērā i te pūrongo, te paki, te whakamārama, te whakaputa whakaaro.
Kua whakamātau ki te pānui i ngā momo tuhinga maha nā te rahi haere o te puna pūkenga pānui.
| Āheinga Reo | Ka tutuki te whānuitanga o ngā āheinga reo i roto i te wairua ngahau me te hiahia ki te whakawhitiwhiti whakaaro. |
|---|---|
| ā-Waha: | 2. Ka whakapuaki patapatai hāngai tonu, kōrero whakamā rama, tautohetohe rānei kia puta ai te reo hīkaro, te reo whakamana hoki. |
| Puna Reo | Ka tipu haere tonu te puna kupu me ngā āhuatanga katoa o te kupu. |
| ā-Waha: | 3. Ka mā rama, ka whakamahi i ngā kīanga whakaahua, kīanga whakarite hei whakaniko i te kaupapa. |
| Rautaki Reo | Ka whakamahi rautaki reo, ā, ka taea te whakamārama ngā huarahi kua whāia hei whakatutuki i tāna i whakaputa ai, i rongo ai. |
| ā-Waha: | 6. Ka whakamā rama i te hononga o ngā momo kōrero Māori ake nei, kōrero kē atu hoki i roto i tētahi kaupapa ōkawa. |
| ā-Tinana: | 2. Ka hāngai te reo ā-waha, ā-tinana ki te kaupapa. |
Hei Mahi
Me pānui ngā ākonga i te tuhinga koiora mō Huria Ngarongoa Katene Matenga. Kōkiritia tētahi whakawhitiwhiti kōrero e pā ana ki ngā mahi mā te tāne, mahi mā te wahine anake rānei.
He aha i pēnei ai?
Me whakatōpū ngā ākonga kia rua ngā rōpū , ko tētahi taha mō te whakahē, ko tētahi mō te whakaae. He tautohetohe, arā, he taupatupatu kei te haere.
Me whakahuri ngā tūranga mahi o te marae – me waiho ko tēnei hei kaupapa taupatupatu mā ngā ākonga – he tika rānei, he hē rānei?
He tika, e hē ana rānei mā te tāne e karanga? Mā te wahine e whaikōrero?
Tērā tētahi wahine Pākehā i hāmenetia e te kōti mō te whakatūtū puehu i tōna kore aro ki ngā tikanga Māori o te pōhiri me te whakatau manuhiri. E ai ki a ia, kia kaua ngā wāhine e noho ki muri, me noho kē ki mua.
Pēhea ō whakaaro mō tēnei?
