Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


Te Tautoko Ministry of Education.

Mā te pouako navigation


Pūpū tia – He hokinga mahara

Te Reo Māori i roto i te Marautanga o Aotearoa (wh. 70/71)

Whenu

Kōrero (Whakarongo)

Kōeke

5/6

Whāinga paetae

Ka taea e te ākonga te whakaputa kōrero, te whakapuaki ōna ake whakaaro e pā ana ki ngā kaupapa maha, me te pakari anō o tana tū i ngā horopaki huhua noa. Me whai hua, me hāngai te reo ā-waha, ā-tinana o te ākonga, me te pakari anō o te tū i ngā horopaki huhua noa.

Pūkenga

Ko te whakaputa mōhio e hāngai ana ki te horopaki me te hunga whakarongo. Ko te whakahāngai i te kōrero ki te hunga whakarongo.

Aromatawai

Ka whakaaturia tana tohungatanga ki te whakahāngai i te kōrero ki te āhua o te horopaki me te hunga whakarongo. Ka whakaaturia tana tohungatanga ki te whakahāngai i ngā kōrero ki te kaupapa, ki te pūtake, ki te hunga whakarongo.
Te ngohe tuatahi
He kōrero tene
Mā te pouako ētahi kaupapa kōrero e whakarite hei kaupapa kōrero mā ngā ākonga. Tukuna ngā ākonga ki te whakariterite i ā rātou kōrero i roto i te 15 meneti. Me whakamārama ake ngā kōrero, ngā kare ā-roto katoa i roto i te rua meneti.
Anei ētahi hei tauira:
a) Te matenga o tōku tīpuna/kuia/koroua/whanaunga;
e) Ōku whakaaro ki ngā hōia Māori i haere ki te pakanga.
Tērā pea kei te pouako, kei ngā ākonga rānei ētahi atu kaupapa hei kōrero mā ngā ākonga.
Te ngohe tuarua
He taupatupatu
Mā te pouako e whakarōpū ngā ākonga i mua i te whakamārama i ngā tikanga o te taupatupatu. E rua ngā kaupapa taukumekume:
a) Me whakauru atu ngā kaumātua ki ngā kāinga kaumātua
e) Ki te puta he pakanga tuatoru ki te ao me whai wāhi te Māori ki te whawhai.
Tērā pea kei te pouako, kei ngā ākonga rānei ētahi atu kaupapa hei taupatupatu mā ngā ākonga.
Te ngohe tuatoru
He whakawhitiwhiti kōrero
Ka whakawhitiwhiti kōrero ngā ākonga mō ngā take e pā ana ki te pakanga pērā me ngā pakanga o te wā e whawhaitia ana i whenua kē. Mā te pouako ngā ākonga e ārahi ki te whakatū komiti hei whakatutuki i tā te minenga e whakatau ai. Ka tonoa atu ngā whakatau ki te mema pāremata ā-rohe rānei, ki te kāwanatanga rānei, ki te Kotahitanga o ngā Whenua o te Ao rānei.

Ki runga ^


Ngā hononga

Ngā whakaputanga tā o 'Mā te Pouako'


Site map


Footer: