Te haka a Tūmatauenga
Te Reo Māori i roto i te Marautanga o Aotearoa (wh. 87)
| Whenu | Tuhituhi (Pānui) |
|---|---|
| Kōeke | 4 |
| Whāinga paetae | Me whai hua, me mārama te tuhi a te ākonga i ngā momo tuhinga huhua noa mō ngā kaupapa whānui, ā, me hāngai te tuhinga ki te pūtake me te hunga pānui. |
| Pūkenga | Ko te whakamātau me te whakapakari i ēnei momo tuhituhi, arā, te tuhi whakaihiihi, te tuhi ruri, te tuhi arotake. |
| Te kawenga | Whakarōpūngia ngā ākonga kia rite te rahi o tēnā rōpū, o tēnā rōpū ki te rahi o ngā kiripuaki i te whakaari. Waiho ake ngā ākonga ki te whakarite i tētahi paku whakaari hei whakangahau i te hunga mātakitaki. Tohua rātou ki te tuhituhi i tētahi haka, i tētahi rotarota, i tētahi waiata rānei hei whakakapi i te whakaari, kia hāngai ki ngā whakaaro, ki ngā mahi, ki ngā kupu a ngā Poutiriao (a ngā atua Māori). |
| Aromatawai | Ka whakaaturia tana tohungatanga ki te:
|
Ngā Toi i roto i te Marautanga o Aotearoa (wh. 59)
| Whenu | Tūhura: Ngā mahi a Te Rēhia |
|---|---|
| Kōeke | 3 |
| Whāinga paetae | Ka tūhura te ākonga i ngā nekehanga i roto i ngā horopaki huhua o Ngā mahi a Te Rēhia. |
| Pūkenga | Ka taea e te ākonga te whakaraupapa mōhiohio hei tautoko nekehanga i roto i ngā horopaki huhua. |
| Te kawenga | E āhei ana te ākonga ki te hanga mahere e whakaatu ana i te tūranga o ngā kiripuaki i roto i tētahi nekehanga. E āhei ana ki te āta titiro ki tā te Māori whakaatu nekehanga tinana i roto i āna waiata. |
| Rerenga kōrero |
“Torona tītaha!” “Puritia kia mau!” “Whiua ki te ao, ki te rangi.” “Waewae takahia!” |
| Aromatawai | Ka whakaaturia tana tohungatanga ki te:
|
