He wai tai, he wai māori
| Ki te kaukau koe i te moana, ko Tangaroa i te wai tai tēnā. I tō taenga atu ki te ākau, me whakarite koe i a koe anō kia pai tāu noho, tāu kaukau i roto i a Tangaroa. Ā, ko tōna wai hei pātaka kai mā te tangata. He āhuatanga anō tō te wai, arā he waiwai mā te hakihaki, mā te mate ā-kiri hoki. Koia me whakaiti ake koe i mua i a Tangaroa. |
| Ko te tino taonga kei a Tangaroa, ko te wai. Ki ētahi iwi, ko Parawhenuamea kē te matua o ngā wai katoa. Ki iwi kē, ko Parawhenuamea te matua o te wai māori anake. |
| Ā, ki te kaukau koe i tētahi awa, i ētahi roto rānei, ko Tangaroa i te wai māori tēnā. Me whakarite anō koe i mua i tō kuhuna atu ki te wai. Arā, hei kohi kai i te pātaka wai māori, hei horoi, hei karakia, hei kaukau rānei. |
| Ā, ki tā iwi kē anō e whā kē ngā atua e noho ana hei mātua mō te wai: ko Ranginui, ko Papatūānuku, ko Rūaumoko, ko Tangaroa hoki. Engari, ka hāngai tātou ki ngā kōrero mō Tangaroa me ōna hononga ki te wai. |
| I roto i ngā wai e rua, arā, te wai tai me te wai māori, me maumahara tonu ko Tangaroa tēnā me ōna tini mata, ōna tini āhuatanga. |
Ngā hononga ki te marautanga
Te Reo Māori i roto i te Marautanga o Aotearoa 1996 (wh. 68)
| Kōeke | 3 |
|---|---|
| Whenu | Kōrero (Whakarongo) |
| Whāinga paetae | Ka taea e te ākonga te kōrero, te pātai, te whakaputa ōna ake whakaaro ki te hunga ākonga, ā, me raupapa, me mārama te kōrero. |
| Pūkenga | Ko te maringi noa o te pātai, o te whakautu ki ngā kōrero ā-rōpū. Ko te whakaraupapa i ngā mōhio. |
| Aromatawai | Ka whakaaturia tana tohungatanga ki te:
|
