Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


Te Tautoko Ministry of Education.

Mā te pouako navigation


He kupu whakataki

He huinga pukapuka a Te Tautoko i whakatakotoria hei rauemi reo Māori e pā ana ki te ao Māori i roto i te horopaki mo ngā rā o mua, o tēnei wā tonu, me ngā rā e heke mai nei. Ka tautokohia hoki ngā whāinga matua o ia marautanga arā, te reo Māori, pāngarau, pūtaiao, hangarau, ngā tikanga ā-iwi, ngā toi, me te hauora mo ngā taumata whā ki te rima. Ka noho mai he kōrero paki, he kōrero pono anō hoki hei tūāpapa, ā, ko te tikanga, mai i reira ka toro haere ngā ākonga i ngā mahi takitahi, i ngā mahi ā-rōpū, i ngā mahi ā-akomanga rānei i te roanga atu o ngā kōrero.

Kua hora mai a Te Tautoko 58 nei hei whāwhātanga mā te hunga e ako ana ki te reo Māori me ōna tikanga.

Te whakamahi i tēnei huinga pukapuka

Mā te pouako tēnei pukapuka, hei āwhina, hei tautoko i āna mahi whakarite mahere ako mā ngā ākonga. Ka arotahi ki Te Reo Māori i roto i te Marautanga o Aotearoa, ki ngā whāinga paetae, ngā pūkenga, ngā kawenga, me ngā aro matawai. Mā te kaupapa matua, arā, ko Puanga Kai Rau: Te whetū o te tau hou, me ngā kaupapa whāiti, pēnei i ko te whānautanga mai, te horopaki e hāngai ana ki te taumata me tāu e hiahia ana mo āu ākonga. Whakawehea ia whenu, kia whakawhanake i ngā pūkenga o ngā ākonga. Tērā ka hiahia koe kia whakatāruatia ngā wāhanga o tēnei pukapuka hei tāpiri atu ki tāu mahere.

Te kaupapa matua o Te Tautoko 58

Ko Puanga Kai Rau: Te whetū o te tau hou te kaupapa matua o tēnei pukapuka. Ko wai a Puanga? He aha ōna tino āhuatanga? Kei te tohu ia i te aha? He aha e kīia ai he whetū whakahirahira a Puanga? Mā te pānuitanga o te pukapuka nei ka mōhio.

Ngā kaupapa whāiti o Puanga Kai Rau: Te whetū o te tau hou

Kia waru ngā kaupapa whāiti hei rangahautanga mā ngā ākonga:

  • Te taiao
  • He whakapapa
  • Te rangi me te whenua
  • Ngā mahi a ngā tūpuna
  • Ngā tohu
  • Te tau kai
  • Tieki oranga
  • He tikanga oranga

Ki runga ^


Ngā hononga

Pāwhiria a konei mō ngā pārongo e pā ana ki te pukapuka.

Te Marautanga o Aotearoa

Ngā whakaputanga tā o 'Mā te Pouako'


Site map


Footer: