Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


Te Tautoko Ministry of Education.

Mā te pouako navigation


He kupu whakataki

He huinga pukapuka a Te Tautoko i whakatakotoria hei rauemi reo Māori e pā ana ki te ao Māori i roto i te horopaki, mō ngā rā o mua, o tēnei wā tonu, me ngā rā e heke mai nei. Ka tautokohia hoki ngā whāinga matua o ia marau arā, te reo Māori, pāngarau, pūtaiao, hangarau, ngā tikanga ā-iwi, ngā toi, me te hauora mō ngā taumata whā ki te rima. Ka noho mai he kōrero paki, he kōrero pono anō hoki hei tūāpapa, ā, ko te tikanga, mai i reira ka toro haere ngā ākonga i ngā mahi takitahi, i ngā mahi ā-rōpū, i ngā mahi ā-akomanga rānei i te roanga atu o ngā kōrero.

Kua hora mai a Te Tautoko 56 nei hei whāwhātanga mā te hunga e ako ana i te reo Māori me ōna tikanga.

Te whakamahi i tēnei huinga pukapuka

Mā te pouako tēnei pukapuka, hei āwhina, hei tautoko i āna mahi whakarite mahere ako mā ngā ākonga. Ka arotahi ki Te Reo Māori i roto i te Marautanga o Aotearoa, ki ngā whāinga paetae, ngā pūkenga, te kawenga, me te aromatawai. Mā te kaupapa matua, arā, mā Ruapehu, me ngā kaupapa whāiti pēnei i ngā ingoa o Ruapehu me te hinganga i Tangiwai, te horopaki e hāngai ana ki te taumata me tāu e hiahia ana mō āu ākonga. Whakawehea ia whenu, kia whakawhanake i ngā pūkenga o ngā ākonga. Tērā ka hiahia koe kia whakatāruatia ngā wāhanga o tēnei pukapuka hei tāpiri atu ki tāu mahere.

Te kaupapa matua o Te Tautoko 56

Ko Ruapehu te maunga te kaupapa matua o tēnei pukapuka. Nā ngā uri o Ngāti Rangi, te iwi o Te Āti Hau ēnei kōrero tuku iho, ko rātou anō e noho ana i te pūtake o tēnei maunga tiketike.

Ngā kaupapa whāiti o Te Tautoko 56

E whitu ngā kaupapa whāiti hei rangahautanga mā ngā ākonga:

  • Ngāti Rangi
  • Ngā ingoa o Ruapehu
  • Ruapehu – Te Puia
  • Te awa o Whangaehu
  • Te hinganga i Tangiwai
  • Ngā tohu whakamaumahara
  • Ngā mahere haumaru

Ki runga ^


Ngā hononga

Pāwhiria a konei mō ngā pārongo e pā ana ki te pukapuka.

Te Marautanga o Aotearoa

Ngā whakaputanga tā o 'Mā te Pouako'


Site map


Footer: