Te Kete Ipurangi Navigation:

Te Kete Ipurangi
Communities
Schools

Te Kete Ipurangi user options:


Te Tautoko Ministry of Education.

Mā te pouako navigation


He hītori e pā ana ki te iwi Māori i roto i te mahi pāho

Whenu: Whakarongo (Kōrero)

  • Kei raro iho nei ētahi hītori e pā ana ki te iwi Māori i roto i te mahi pāho. Tāruatia tēnei mahere kei raro iho nei. Tapahia ngā kōrero, purua ki roto ki tētahi kōpaki kia noho pokapoka. Me mahi takirua ngā ākonga. Hoatu tētahi kōpaki ki ia tokorua. Mā ngā ākonga ngā tau e tūhono ki ngā rerenga kōrero e tika ana.

Tau

Rerenga kōrero

1921

Ka tīmata te pāho o te reo irirangi ki Aotearoa.

1927

Ka rangona te reo Māori tuatahi i runga i Te Reo Irirangi o Aotearoa. Nā Airini Grennell te reo.

1937

Ko Pani Parata Te Tau te kaipāho reo Māori tuatahi i rangona e te motu.

1942

Ka tīmata ngā pitopito kōrero ki te reo Māori.

1949

Ka pāhotia te pō poroporoaki ki a Te Rangihiroa.

1957

Ka tīmata a Ted Nepia ki te whakapaoho i runga i te reo irirangi.

1973

Ka puta te whakaaro kia whakatūria a Radio Polynesia, engari kāore te kāwanatanga i tautokongia i taua wā.

1977

Ka whakatūria a Radio Pacific.

Whenu: Kōrero (Whakarongo)

  • Hoatu ki ia ākonga tētahi kōwae o te hītori nei. Ko te mahi māna, he whakamārama i tērā kōwae ki ērā atu ākonga i roto i ōna ake kupu.

Ngā kaiwhakapūmau i te reo

Whenu: Pānui (Tuhituhi)

Hei mahi takirua

Tapahia te mahere ki raro nei. Mā ngā ākonga e tūhono ngā pātai ki ngā whakautu tika. Kei te whārangi 40 o Te Tautoko 54 ngā kōrero katoa.

Ko wai ngā tāngata i āwhina i te kaupapa nei o Te Reo o Pōneke? Kōrero paki, waiata, whakawhitiwhiti kōrero.
He aha ētahi o ngā wāhanga? E rua ngā marama.
I tēhea marama o te tau 1983, te wiki o te reo Māori? Ruka Broughton
Maka Jones
Wiremu Parker
E hia te roa ka tū te reo irirangi o Te Upoko o te Ika i te tau 1987? 12 hāora ia rā.
E hia te roa, ia rā, ka pāhotia te reo irirangi o Te Reo o Pōneke i te tau 1983? I te marama o Ākuhata.

Whenu: Pānui (Kōrero)

Hei mahi takirua

Tirohia te wātaka kei te tapa raro o ngā whārangi 2–5. Ka pānui tētahi ākonga i ngā tau anake. Ka pānui ā-waha tērā atu ākonga i ngā kōrero e hāngai ana ki ia tau. Kātahi ka tahuri te mahi ki te taha tua atu.

Whenu: Pānui (Tuhituhi)

Ko te tikanga o tēnei pepa, he āwhina i te ākonga kia mārama ai ki ngā ariā matua o tēnei hītori.

  • Ka āta pānui ia ākonga i te hītori.
  • Ka tuhia e ngā ākonga ā rātou whakautu ki ngā pātai e rārangi iho nei.

He hītori e pā ana ki te iwi Māori i roto i te mahi pāho

Ingoa:................ Te Rā:..............................

Whakautua ngā pātai ki raro iho nei:

  1. He aha ngā ariā matua o tēnei hītori?
  2. Kōwhiria tētahi tangata mai i tēnei hītori. He aha tāna mahi?
  3. He aha tāu i ako?

Whenu: Mātakitaki (Whakaatu)

Hei mahi takirua

He wātaka. Ka pānui ngā ākonga i ngā wā me ngā meka e pā ana ki te hītori o te mahi pāho. Mā rāua e rangahau ētahi āhuatanga o te wātaka. Anei ētahi tauira pātai mā rāua:

  • Āhea ...?
  • Ko wai ...?
  • Kei whea ...?

Ki runga ^


Ngā hononga

Pāwhiria a konei mō ngā pārongo e pā ana ki te pukapuka.

Te Marautanga o Aotearoa


Site map


Footer: